БСШУСЯ ГАДААДЫН ТҮНШ БАЙГУУЛЛАГУУДТАЙ ЗӨВЛӨЛДӨХ УУЛЗАЛТ ЗОХИОН БАЙГУУЛЛАА

Гадаадын түнш байгууллагуудын зөвлөлдөх уулзалтыг сэргээн зохион байгууллаа. "Боловсролын салбарын мастер төлөвлөгөө" /2020-2030/-г өмнөхийн адил түнш байгууллагуудын оролцоо, дэмжлэгтэйгээр боловсруулах, хэлэлцүүлэх, батлах ажлыг эхлүүлэхэд энэ удаагийн уулзалт чиглэж байгаагаараа онцлог.

БСШУСЯ салбар тус бүрээр багш, эрдэмтэн, судлаач, удирдах ажилтнуудыг хамруулсан улсын хэмжээний зөвлөгөөнүүдийг зохион байгуулсан юм. Улмаар салбарын хэмжээнд тулгамдсан асуудал, цаашид бодлого чиглэлд тусгах олон санал, зөвлөмжийг нэгтгэлээ. Эдгээр санал, зөвлөмжид тулгуурлан дөрвөн салбарын бодлого, тэргүүлэх зорилтыг боловсруулан өнөөдрийн уулзалтанд оролцогч, түнш байгууллагуудын төлөөлөлд танилцуулсан юм. Үүнээс гадна эдгээр бодлого, чиглэлийн хүрээнд тодорхой төсөл, хөтөлбөрүүдийг БСШУСЯ-ны зүгээс гадаадын түнш байгууллагуудад санал болголоо.

Өнөөдрийн уулзалтанд БСШУСЯ-ны түнш болох 20 гаруй гадны байгууллагын төлөөлөл бүхий 40 гаруй хүн оролцож, хамтран хэрэгжүүлсэн төсөл, хөтөлбөр, төлөвлөж буй ажлын талаар харилцан мэдээлэл солилцсон юм.