ТРИСТАН ТОМПСОН 2 ДАХ ТОГЛОЛТОД ГАРААНД ГАРНА

Admin

2018/05/15

Орон нутгийн цагаар Ням гарагийн орой явагдаж өндөрлөсөн цувралын эхний тоглолтод Бостон Сэлтикс баг өрсөлдөгчөө илүүрхэж хожил байгуулсан. Сэлтикс баг хялбар хожил байгуулсан шалтгаануудын нэг бол Кавальерсын будагтай талбайн хамгаалалт байсан юм.

Сэлтиксийн самбарын тоглогчид сайн тоглож будагтай талбайгаас 60 оноо авсан нь эсрэг багийн хамгаалалт хэр байсныг илтгэж байна.

Тэгвэл Даваа гарагийн бэлтгэлийн дараа дасгалжуулагч Тайрон Луй хэвлэлийнхэнд ярилцлага өгөхдөө гарааны бүрэлдэхүүндээ өөрчлөлт оруулж магадгүй гэж хэлсэн байна. Тэрээр "Статистик үзүүлээлтээс харахад сүүлийн гурван улиралд манай багийн тоглогчдоос Ол Хорфордыг хамгийн сайн хамгаалсан нь Тристан Томпсон байна. Бид цуврал эхлэхээс өмнө түүнийг гараанд гаргах талаар бодолцож үзсэн ч өдийг хүртэл амжилттай тоглож ирсэн бүрэлдэхүүндээ шалтгаангүй өөрчлөлт хийхийг хүсээгүй юм. Харин цувралын эхний тоглолт тэр шалтгааныг маань өгөх шиг боллоо." гэж хэлжээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ