Хойд Америкийн үндэсний сагсан бөмбөгийн холбооны дорнод бүсийн аваргын төлөөх цувралын дөрөв дэх тоглолтод Кливленд Кавалерс баг хожил байгууллаа. Тоглолт 111:102 харьцаатай тталбайн эзэд Кавальерс Бостоныг Селтиксийг буулган авлаа. Ингэснээр цуврал 2:2 болон тэнцлээ. Талбайн эзэд тоглолтын эхнээс л санаачлалыг гартаа авч эхний үе 34:18-аар давамгайлсан юм. Улмаар хоёрдугаар үед ч Кавсчууд онооны тэргүүллээ алдалгүй 68:53-аар эхний хагасыг 15 оноо илүү дуусгасан. Харин тоглолтын гурав болон дөрөвдүгээр үед Селтикс ялимгүй давамгайлсан ч талбайн эзэд эхний үед авсан онооны тэргүүллээ хадгалж үлдэж чадсанаар үндсэн цагт 111:102 харьцаатай ялалт байгуулж цувралыг 2:2 болгон тэнцүүлж чадлаа. Энэхүү тоглолтод талбайн эздээс Леброн Жеймс 44 оноо 5 самбар авч багаа тэргүүлсэн бөгөөд төвийн тоглогч Тристан Томпсон 13 оноо 12 самбараас бөмбөг авч "дабл" хийлээ.
Сэтгэгдэл (0)
Сэтгэгдэл бичигдээгүй байна