ХҮҮХДИЙН 20 МЯНГАН ТӨГРӨГИЙГ НӨХӨН ОЛГОНО

Admin

2018/06/10

УИХ-аас хүүхдийн 20 мянган төгрөгийг нийт хүүхдийн 80 хувьд олгох тогтоол баталсан. Тогтоолын хэрэгжих хугацааг 2018 оны дөрөвдүгээр сарын 1-н гэж заасан юм байна. Тиймээс зургадугаар сар гарсан ч 228 мянга орчим хүүхдэд дөрөв, тавдугаар сарын 20 мянган төгрөгийг нөхөж олгох аж.

Онцлоход, УИХ-ын нэр бүхий гишүүд хүүхдийн мөнгийг бүгдэд нь тэгш олгох ёстой. Энэ бол боловсролд нь төрөөс хийж байгаа хөрөнгө оруулалт болох ёстой гэсэн байр суурь барьж буй. Харин Засгийн газар Олон улсын валютын сантай хамтран тодорхой хөтөлбөр хэрэгжүүлж буй бөгөөд түүнийг зөрчих ёсгүй гэсэн байр суурь илэрхийлж байгаа юм.

УИХ-аас нийт хүүхдийн 80 хувьд хүүхдийн мөнгө олгох тухай тогтоол батлагдахаас өмнө улсын хэмжээнд 600 мянга гаруй хүүхэд 20 мянган төгрөг авч байжээ. Харин одоо 800 гаруй мянган хүүхэд сар бүр 20 мянган төгрөг авах болж буй юм

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ