ЕРӨНХИЙ ШҮҮГЧИД НЭР ДЭВШИГЧ Д.ГАНЗОРИГИЙГ ЕРӨНХИЙЛӨГЧ ТОМИЛОХГҮЙ, БУЦААХ БОЛОЛТОЙ

Дээд шүүхийн ерөнхий шүүгчид тус шүүхийн шүүгч нар хуралдан хоёр нэр дэвшигч өрсөлдөн Дээд шүүхийн эрүүгийн хэргийн тэнхмийн шүүгч Д.Ганзориг гэдэг хүний нэрийг хуралдаанд оролцсон шүүгч нарын олонхи нь дэмжсэн байна. Одоо хуулийн дагуу шүүхийн ерөнхий зөвлөл (ШЕЗ) авч хэлэлцээд Ерөнхийлөгчид өргөн барина. Ерөнхийлөгч зарлиг гарган Дээд шүүхийн ерөнхий шүүгчийн албан тушаалд түүнийг томилно.

Ерөнхийлөгчийн бодлого нь Улсын дээд шүүхийн шүүгч Х.Батсүрэн байсан ч тэрээр 23 шүүгч санал хураахад Д.Ганзоригт ялагдсан байдаг. Нэгэнт шүүгч нараасаа дэмжлэг авч чадаагүй Х.Батсүрэнг зүтгүүлэхгүй байж мэднэ. Харин түүний оронд Улсын дээд шүүхийн шүүгч Б.Батцэрэнг Ерөнхийлөгчийн зүгээс санал болгож магадгүй гэх мэдээлэл ирлээ.