Ерөнхийлөгч Х.Баттулга Улсын Ерөнхий прокурорын орлогчид СБд-ийн Прокурорын газрын Ахлах прокурор А.Цэрэнсодномыг санал болгосон ч түүнтэй холбоотой бичлэг тарсан учир нэрийг нь буцаан татсан. Тухайн бичлэгт тэрбээр бусдаас 500 сая төгрөг нэхэж, 461-р ангид хорино хэмээн сүрдүүлж байгаа нь бичигдсэн байдаг. Энэ бичлэг нь түүний өөрийнх нь дуу хоолой мөн болохыг манай сайтад өгсөн ярилцлагадаа хэлсэн юм.
Прокурорын цалин 1.5 сая орчим төгрөг байдаг. Тэгвэл прокурор А.Цэрэнсодномд ямар учиртай 500 сая төгрөгийн авлага байгаа нь сонирхол татаж байгаа юм. Бид энэ удаа түүний хөрөнгө орлогын мэдүүлгийг сонирхлоо.
Түүний 2017 онд мэдүүлсэн ХОМ-т
"280 сая төгрөгийн үнэлгээ бүхий 3 автомашинтай, өвөлжөө, нийтийн орон сууцтай, 19 сая төгрөгөөр үнэлэгдэх 7 үхэр, 13 адуутай, 173 сая төгрөгийн үнэт эдлэлтэй, 189 сая төгрөгийн хадгаламжтай хэмээн мэдүүлжээ.
Мөн тэрбээр Зоос гоёл ХХК-д 7000ширхэг, Эрдэнэт таван толгой ХК-д 4288 ширхэг хувьцаа эзэмшдэг байна. Түүний нийт орлого 33.1 сая төгрөг бол, гэр бүлийнх нь нийт орлого 33.8 сая төгрөг.
Сэтгэгдэл (0)
Сэтгэгдэл бичигдээгүй байна