Н.БАЯРТСАЙХАН: БИ АЖЛАА САЙН ХИЙЖ БАЙГАА

УИХ-ын гишүүн Б.Пүрэвдорж Монголбанкны Ерөнхийлөгч Н.Баяртсайханыг чөлөөлөх саналыг УИХ-д өргөн мэдүүлсэн.Үүнтэй холбогдуулан Монголбанкны Ерөнхийлөгч Н.Баяртсайханаас тодрууллаа.

-Таныг ажлаа хангалтгүй хийсэн гэх үндэслэлээр огцруулах саналыг УИХ-д өргөн мэдүүлсэн. Та үүнтэй санал нийлэх үү?

-УИХ-ын гишүүн бүрэн эрхийнхээ хүрээнд тавьсан асуудал. УИХ-ын чуулганы хуралдаанаар хэлэлцээд шийдвэрлэх байх.

-Та өөрийгөө сайн ажилласан гэж дүгнэж байгаа юу?

-Би өөрийгөө ажлаа сайн хийсэн гэж дүгнэж байн байна.

-Капитал банкны үйл ажиллагаа 2015 оноос доголдож эхэлсэн гэдэг. Тус банканд эрт арга хэмжээ аваагүй учир шалтгаан нь юу юм бэ?

-Бид ОУВС-ийн хөтөлбөрийг хэрэгжүүлж байна. 2017 онд Монголын 14 банканд активийн чанарын үнэлгээ хийлгэсэн. Энэ үнэлгээний үр дүнгээр зургаан банк өөрийн хөрөнгийн дутагдалтай гарсан. Эдгээр банкуудад 2018 оны 12 сарын 31-ны дотор өөрийн хөрөнгийн дутагдлыг нөхөх даалгаврыг өгсөн. Таван банк өөрийн хөрөнгийн дутагдлыг нөхсөн. Нэг банк өөрийн хөрөнгийн дутагдлыг нөхсөнгүй. Тиймээс Банкны тухай хуулийн дагуу арга хэмжээ авсан.