БЗД-ИЙН ГАЗРЫН АЛБАНЫ ДАРГААР АЖИЛЛАЖ БАЙСАН Н.БАТСҮХ ГЭГЧ ТУСГАЙ ХАМГААЛАЛТТАЙ ГАЗАРТ ӨӨРТӨӨ ГАЗАР ОЛГОЖЭЭ

2015 онд Баянзүрх дүүргийн Өмч, газрын харилцааны газрын даргаар ажиллаж байсан Н.Батсүх албан тушаалаа ашиглан өөртөө томоохон хэмжээний газар авч, БАЙШИН БАРЬЖЭЭ:. Уг хашаа байшин нь 015-р цэргийн ангийн хашаатай залгаа баригдсан нь тусгай хамгаалалттай газрын хууль журмыг зөрчсөн гэж иргэд үзэж байна.

Тусгай хамгаалалттай газарт өөртөө газар авч, хашаа байшин барьж, камержуулж, тэр бүү хэл 380 ваттын цахилгаанд холбогджээ. Гэтэл яг энэ гудамжинд 50 гаруй айл өрх өнөөдрийг хүртэл цахилгаангүй, цэргийн ангийн тог цахилгаанаас гуйж хэрэглэсэн байдалтай амьдарч байна

Газрын гэрчилгээ гаргахад тухайн дүүргийн газрын албаны дарга зөвшөөрөл олгож, дүүргийн засаг дарга гарын үсэг зурснаар баталгааждаг. Тэгвэл цэргийн ангийн хашаатай залган барьсан хашааны газрыг Н.Батсүх гэгч тухайн үеийн албан тушаалаа ашиглан өөртөө олгож, харин одоогийн бзд дэх ан-ын дарга, тухайн үеийн дүүргийн засаг дарга пүрэвдаваа батламжлан гарын үсэг зарсан байгаа юм. Эндээс жирийн иргэдэд олддоггүй 0.7 га газар дарга нарт хэмжээ хамааралгүй, байршил харгалзахгүй олддог нь тодорхой болж байгаа юм.