Кембриджийн хөтөлбөрийг боловсролын яамны харьяалалтай хэрэгжүүлдэг "Шинэ эрин" дунд сургуулийн эцэг эхчүүд өнөөдөр дахин хэвлэлийн хурал зохион байгууллаа. Эцэг эхчүүдийн төлөөлөл хоёр вариантын шалгалтыг дахин явуулахыг шаардаж байгаа юм. Бид энэ талаар БСШУС-ын сайд Ё.Баатарбилэгээс тодруулахад бөөрөнхийлсөн хариулт өгч байна. Учир нь БСШУС-ын сайд нь өөрөө тус сургуулийн элсэлтийн шалгалтыг ЭЕШ-ттай андуурч байв. "Шинэ эрин" сургууль нь 6-12 дугаар ангийн сургалттай бөгөөд Монголд БСШУСЯ-ны харъяа Кембриджийн хөтөлбөрийг хэрэгжүүлдэг гурван сургуулийн нэг. Харин "Шинэ эрин" сургуулийн захирал н.Амартүвшин гэх хүн тайлбар өгөхийг хүсэхгүй бултсаар байгаа юм.
Мэдээллийг эргэн сануулахад "Шинэ эрин" сургуульд элсэж орохын тулд 1251 хүүхэд бүртгүүлсэн байдаг бөгөөд 1230 гаруй тавдугаар ангиа төгссөн сурагчид тус шалгалтыг өгсөн байдаг. Гэвч "А" вариантын 28,40 "B" вариантын 18,40 дүгээр бодлого алдаатай байсныгг шалгалт өгсөн хүүхдүүд гэрчилсэн бөгөөд сургуулийн захиргаанаас шалгалтын тестээ веб сайтдаа байршуулснаар эцэг эхчүүд эсэргүүцэж эхлээд байна. Учир нь дээрх хоёр вариантын хоёр, хоёр бодлого зөв хариултгүй алдаатай байгаа юм. Эцэг эхчүүдийн төлөөлөл шалгалтыг Шинэ Эрин сургуулиас албаар будлиантуулсан байж болзошгүй гэж үзэж байна.Харамсалтай нь энэ асуудалд хэн хариуцлага хүлээх нь тодорхойгүй хэвээр үлдэж байна.Кембриджээс ирдэг шалгалтын материалыг БСШУСЯ хянах эрхгүй гэх утгатай тайлбарыг өгч БСШУСЯ уснаас хуурай үлдэж байна.
Сэтгэгдэл (0)
Сэтгэгдэл бичигдээгүй байна