БАРИЛГЫН ОСОЛД ТАВАН ХҮН ӨРТӨЖ, НЭГ НЬ АМИА АЛДСАН БОЛ БАС НЭГ ХҮНИЙ БИЕ ХҮНД ГССҮТ-Д БАЙНА

Өмнөговь аймгийн Даланзадгад хотод 850 хүний суудалтай Хөгжимт жүжгийн театр баригдаж байгаа. Уг барилгын ажлыг гүйцэтгэгчээр ЖИ ЖИ АЙ ХХК ажиллаж байгаа юм.

Тэгвэл тус компанийн ажилтан 23 настай С ажлаа хийж байхдаа осолд орж, амиа алдсан байна. Тодруулбал, өнгөрсөн зургаадугаар сарын 15-ны өдөр тус барилга дээр ажиллаж байсан таван хүн унаж, нэг нь газар дээрээ амиа алджээ. Тэрээр айлын том хүү байсан бөгөөд, аав, ээж, хоёр дүүгийн хамст амьдардаг байжээ. Талийгаач сүүлийн таван жил энэ компанид ажилласан байна.

Тухайн үед осолд өртсөн бас нэг иргэн талийгаачийн хамаатан бөгөөд хүнд гэмтэн Даланзадгад хотын нэгдсэн эмнэлэгт хагалгаанд орж, улмаар ГССҮТ-д хүргэгдсэн ирж, өнөөдрийг хүртэл эмчлүүлж байгаа юм байна. Нөгөө гурван ажилтан хөнгөн зэргийн гэмтэлтэйг эх сурвалж мэдээллээ.

ЖИ ЖИ АЙ ХХК-ийн зүгээс талийгаачийн ажил явдлын үеэр ар гэрийнхэнтэй нь уулзаж, оршуулгын зардал олгосноос өөрөөр тусламж, дэмжлэггүй өдийг хүрсэн байна. Түүнчлэн хүний амь эрсэдсэн, бас нэг хүн өнөөдрийгхүртэл ГССҮТ-д эмчлүүлж байхад тус компанийн ажил үргэлжилсээр байгаа юм байна. Бид ЖИ ЖИ АЙ ХХК-ийн Талбайн инженер болон менежертэй утсаар холбогдон тодруулахад "Юу ч мэдэхгүй" гэсэн хариултыг хэлсэн.