Нийгмийн сүлжээ /твиттер/-нд "Элийрэгч" нэрээр жиргэдэг иргэн Ц.Уянга Монгол Улсын Ерөнхийлөгч Х.Баттулгын талаарх жиргээнээсээ үүдэн Зөрчлийн тухай хуулийн дагуу хоёр сая төгрөгөөр торгуулах шийтгэлийн хуудас хүлээн авсан байна. Энэ талаар тэрбээр, өөрийн цахим хуудаснаа мэдээлэл оруулжээ.
Тэрбээр "Би ганцаараа Ерөнхийлөгч Х.Баттулгыг Жонхуу гэж дууддаггүй. Нийгэмд, олон нийтэд тархсан л нэр. Олон нийтийн урсгал дунд явдаг сэдэв, асуудлыг нэг хүнд нялж, буруутгах нь зохисгүй хэрэг юм" хэмээжээ.
Уг асуудлаар ЦЕГ-аас Ерөнхийлөгчийн тамгын газарт хүргүүлсэн албан бичигт иргэн Ц.Уянгын твиттер хаягийг хязгаарлах хүсэлтээ Харилцаа холбооны зохицуулах газарт гаргасан гэдгийг дурдсан байна.
Сэтгэгдэл (0)
Сэтгэгдэл бичигдээгүй байна