Британид амьдардаг 53 настай Мишель Валль гэгч эмэгтэй шалтгаангүйгээр гэнэт айдаст автдаг эмгэгтэй аж. Түүнээ эмчлэх янз бүрийн арга хайж яваад метал илрүүлэгч ашиглан хөрсөнд булагдсан эрдэнэс хайх нь ихэд тайвшруулдаг болохыг олж мэджээ. Түүнээс хойш нөхрийн хамт хаягдсан, нуугдсан эрдэнэс хайдаг болсон байна. Тэрээр 2017 онд анх удаа тун ховор эртний зоос олсноо дуудлага худалдаанд оруулаад 40,8 мянган фунтээр заржээ. Үүний дараа 2018 онын арваннэгдүгээр сард Шотландын Лох-Ломонд нуурын орчим хайгуул хийж байгаад алтан үзэг, сүлд тэмдэг бүхий алтан бөгж олсон байна.
Олсон бөгжөө Шотландын үндэсний музейд худалдан авахыг санал болгоход музей бараг хагас жил шахуу эргэцүүлсний эцэст татгалзсан хариу өгчээ. Иймд Мишель нь ховор хуучин эдлэлийн шинжээчид бөгжийг үзүүлэхэд бөгж нь 1640-1680 оны хооронд хийгдсэн, Шотландын Суффолк гүнлэгээс гаралтай язгууртны гэр бүлийнх гэж тодорхойлоод дуудлага дуудлага худалдаагаар оруулбал хамгийн багадаа 10 мянган фунтын үнэ хүрнэ гэсэн тухай "Еast Anglian Daily Times" мэдээлжээ. Ингэснээр өвчнөө ч илааршуулж, гэр бүлийн төсөвтөө ч муугүй орлого оруулах болсон байна.
Сэтгэгдэл (0)
Сэтгэгдэл бичигдээгүй байна