АЛТНЫ КОМПАНИУДЫН ЛОББИГООР СУМЫН ЗАСАГ ДАРГЫГ ТОМИЛДОГ УУ?

Төв аймгийн Заамар Сумын засаг даргыг ИТХ-аараа огцруулжээ. Одоогийн байдлаар Засаг даргын орлогч М.Ичинхорлоо үүрэг гүйцэтгэж байна.Тус сумын ИТХ хуралдаж, шинэ засаг даргаа томилох ёстой ч Төв аймгийн засаг даргын орлогч Ч.Сарангэрэл ирж, багийн засаг дарга А.Ганцэцэг гэх эмэгтэйг засаг даргын үүрэг гүйцэтгэгчээр томилжээ. Энэ нь аймгийн удирдлагууд засаг захиргаа, нутаг дэвсгэрийн тухай хуулийг зөрчиж, нутгийн өөрөө удирдах байгууллагын эрхэнд шууд халдсан үйлдэл гэж заамар сумын төлөөлөгчид үзэж байна. Нэг ёсондоо заамар сумын хайлаас багийн засаг дарга нь давхар сумын засаг даргын албыг хашиж байгаа нь хууль бус гэж үзэж байна. Мөн сумын засаг даргын албан тушаалруу хэт улайран дайрч байгаа нь алтны компаниудын нөлөөлөл орсон байж болзошгүй гэж заамар сумын ИТХ-ын төлөөлөгчид хардаж байгаа юм. Тухайлбал засаг даргын үүрэг гүйцэтгэгчээр томилогдоод байгаа А.Ганцэцэг нь"Эко алтан заамар" компани болоод шинээр 15 000 га газар эзэмшиж байгаа "Эрдэнэсийн эрэг" компаниудтай холбоотой байж болзошгүй гэж үзэж байгаа юм байна.