Б.ХУРЦ НАРТ ХОЛБОГДОХ ХЭРГИЙН ШҮҮХ ХУРАЛ ДӨРӨВ ДЭХ ӨДРӨӨ ҮРГЭЛЖИЛЖ МАГАДГҮЙ

ТЕГ-ын дарга Б.Хурц нарт холбогдох хэргийн шүүх хурал гурав дахь өдрөө үргэлжилж байна. Шүүх хуралдаанд нийт 49 оролцогч оролцож байна. Шүүх хуралдаан эхэлснээс хойш гурван өдрийн байдлаар шүүгдэгч, хохирогч нарыг асуугаад дуусчээ. Одоогоор гэрч нарыг асууж байгаа бөгөөд шүүх хурал маргааш дөрөв дэх өдрөө үргэлжлэх магадлалтайг албан бус эх сурвалжууд мэдээлж байна.

Эргэн сануулахад Төр, нийгмийн зүтгэлтэн С.Зориг агсны амийг хөнөөсөн хэргээр ял авсан Т.Чимгээ Б.Содномдаржаа нарыг эрүүдэн шүүсэн хэргээр Тагнуулын ерөнхий газрын дарга асан Б.Хурц, УЕП-ын орлогчоор ажиллаж байсан Г.Эрдэнэбат нарын есөн хүнийг шүүх хурал Төв аймгийн Зуунмод хотын шүүхэд буюу энэ сарын 12-нд эхэлсэн бөгөөд өнөөдөр гурав дахь өдрөө үргэлжилж байна.