Их Британийн Бристоль хотод амьдардаг өсвөр насны хүүхэд хүнсэндээ зөвхөн чипс, шарсан төмс, утсан мах, шарсан зайдас гэсэн хагас боловсруулсан бүтээгдэхүүн хэрэглэдэг байсны улмаас хараагүй болж, хэсэгчлэн дүлийн болсон талаар "Sky News" ТВ суваг мэдээлж байна.

Тус сувгийн мэдээлснээр энэ хүүхэд хүнсний ногоо, жимсний амт таалагддаггүй гэсэн шалтгаанаар иддэггүй байгаад. Анх 14 настайдаа бие нь муудан эмнэлэгт хандаж. Тухайн үед эмч нар шинжилгээ хийгээд В12 амин дэмийн дутагдал үүссэн, цусан дахь цагаан эсийн хэмжээ хэт өндөр байгаагаас цус нь хүчилтөрөгчөөр хангалттай баяжиж чаддаггүй гэсэн онош тавьсан. Мөн хүүг В12 амин дэм ууж, хүнсэнд хэрэглэдэг зүйлсээ илүү баялаг болгох, хагас боловсруулсан бүтээгдэхүүнээс татгалзахыг зөвлөсөн байжээ.

Гэтэл хүү эмчийн зөвлөгөөг дагалгүй явсаар жилийн дараа ахиж үзүүлэхэд хараа, сонсгол нь бүр муудсан байж. Гурав дахь удаагаа буюу 17 настайдаа эмнэлэгт үзүүлэх үед хараагүй болсон, сонсгол нь бараг бүрэн алдагдсан байжээ. Эмч нар үүний шалтгааныг тодруулах гээд чадахгүй байсанд тэрээр "Бүр багаасаа зөвхөн чипс, түргэн хоолны газрынчипс, шарсан зайдас,гахайн давсалсан мах, цагаан талх иддэг байсан" гэж үнэнээ хэлжээ. Энэ удаад шинжилгээ хийхэд В12 амин дэмийн дутагдлаас гадна D амин дэм, селен, зэсийн дутагдалд орсон байгааг тогтоосон байна.

Улмаар эмч нар энэ талаар "Өндөр хөгжилтэй орнуудад ийм зүйл ховор тохиолддог бөгөөд эрт оношилсон тохиолдолд таагүй үр дагавраас зайлсхийх боломжтой байсан. Хортой хүнс хэрэглэх нь зүрх судасны өвчин, хорт хавдар үүсэх, жин нэмэх зэрэг нөлөөтэйг бүгд мэддэг ч хүнсэнд зарим төрлийн бодис дутагдах нь мэдрэл, хараатай холбоотой холбоотой асуудал үүсгэж болдог" гэжээ.