Оросын Владивосток хотноо болж байгаа "Дорнын эдийн засгийн форум"-ын үеэр Энэтхэг улс Оростой олон чухал гэрээ байгуулсан тухай Энэтхэгийн хэвлэлүүд мэдээлж байна. Тухайлбал, 2040 он хүртэл ОХУ нь Энэтхэгт 20 ширхэг цөмийн эрчим хүчний блок барьж өгөхөөр болсон. Одоогоор Энэтхэгийн Куданкулум цөмийн цахилгаан станцын гурав ба дөрөвдүгээр эрчим хүчний блокийг барих ажлыг Оросын "Атомтстройэкспорт" компани гүйцэтгэж байгаа юм. Шинэ тохиролцооны дагуу тус станцын бусад блокуудыг ч оросууд барьж өгөхөөр боллоо.
Энэтхэгийн Ерөнхий сайд Нарендра Моди Владивосток хотод үг хэлэхдээ цөмийн цахилгаан станцын шинэ блокууд нь улс орныг цахилгаанжуулах, иргэдэд цахилгаан эрчим хүчийг илүү хүртээмжтэй болгох, хурдацтай хөгжиж байгаа аж үйлдвэрлэлийн салбарт нэн хэрэгтэй гэдгийг онцолжээ.
Үүнээс гадна Энэтхэг нь ОХУ-аас нийт 14,5 тэрбум долларын зэвсэглэл, байлдааны техник худалдан авахаар гэрээ байгуулжээ. Энд гэрээний дүнг америк доллароор зааж байгаад ч хоёр улс нь хоорондын арилжааг Америкийн оролцоо, дарамтаас хамгаалахын тулд үндэсний валютаар гүйцэтгэх болсон ажээ.
°C
Сэтгэгдэл (1)