Өнгөрсөн ням гарагт ОХУ-д бүх шатны нэгдсэн сонгууль болж өнгөрлөө. Энэ өдөр Төрийн Думын нэмэлт сонгууль, холбооны 19 субъектийн тэргүүнүүд, 13 субъектийн хууль тогтоох байгууллагуудын гишүүдийгсонгосон.
Сонгуулийн өдөр Оросын сонгуулийн хорооноос "Google", "YouTube", "Facebook", "Instagram" компаниудад хандан сонгуулийн өмнөх болон сонгууль болох өдрүүдэд улс төрийн агуулгатай сурталчилгаа байршуулахгүй байх шаардлага хүргүүлээд байсан. Гэвч сонгууль болох өдөр "Google", "Facebook" сүлжээнд ОХУ-ын сонгуультай холбоотой улс төрийн сурталчилгаа явуулж байсныг мониторингийн явцад тогтоосон байна. Үүнийг Оросын сонгуулийн хорооноос гадаадын компаниуд ОХУ-д чөлөөт, ардчилсан сонгуульд явуулахад санаатай саад хийсэн, ОХУ-ын хэрэгт хөндлөнгөөс оролцсон гэж үзээд Төрийн Дума дахь тусгай комисст шилжүүлэн өгөхөөр болсноо мэдэгджээ. Оросын Сонгуулийн төв хорооны орлогч дарга Булаев энэ талаар "Манай хэрэгт хөндлөнгөөс оролцох гээд 2021 он, бүр магадгүй 2024 онд хэрэглэх зарим хэрэгсэл, арга мэхээ туршиж үзэж байгаад эргэлзэх зүйл алга" гэжээ.
"Facebook", "Google", "Twitter" компаниуд нь ОХУ-ыг 2016 оны АНУ-ын Ерөнхийлөгчийн сонгуульд хөндлөнгөөс оролцон улс төрийн сурталчилгаа явуулсан гэж буруутгасан. Түүнээс хойш Оростой холбоотой, Америкийн сонгуульд нөлөөлөх гэж оролдсон байж магадгүй гэх бүртгэлүүдийг хаах арга хэмжээг идэвхтэй явуулах болсон.
Сэтгэгдэл (0)
Сэтгэгдэл бичигдээгүй байна