М.ПҮРЭВТУНГАЛАГ: ЭГЧТЭЙГЭЭ БИТГИЙ АРСАЛДААД БАЙГААРАЙ ГЭЖ Э.СУМЪЯА ЭГЧ ДАРАМТАЛСАН

УАШТ-д түрүүлсэн тамирчин журмаараа дэлхийн аварга шалгаруулах тэмцээнд оролцох эрхтэй болдог. Тэгвэл энэ эрхийн эзэн болсон, 18 настай тамирчин М.Пүрэвтунгалаг Дэлхийн аваргын мөнгөн медальт Э.Сумъяа болон чөлөөт бөхийн холбооны дарамтад орж, тэмцээндээ оролцож чадахгүйд хүрээд байгаа талаараа мэдээлэл хийлээ. Тодруулбал, Монголын чөлөөт бөхийн холбооноос М.Пүрэвтунгалагийн биед хатиг гарсан, бэлтгэл бүрэн хангагдаагүй хэмээн түүний эрхээр Дэлхийн аваргын мөнгөн медальт Э.Сумъяаг оролцуулах шийдвэр гаргажээ.

М.Пүрэвтунгалагийн аав, ээж хэлэхдээ "Үндэсний шигшээ багийн ахлах дасгалуулагч Б.Баттулга Э.Сумъяаг оролцуулахын тулд охинд маань урт хугацааны акт бичиж, бэлтгэлээс нь хөндийрүүлж байна. Актын хугацаа дуусах болтол ДАШТ болоод өнгөрөх нь байна. Үнэрээр охин маань эрүүл мэндийн шалтгаанаар тэмцээндээ оролцож чадахгүй бол оронд нь тамирчин н.Мөнгөнцэцэг явах ёстой. Э.Сумъяа хэрэв ДАШТ-д оролцох юм бол амиа хорлоно" гэлээ. Харин залуу тамирчин М.Пүрэвтунгалаг "Намайг эрүүл гэдгийг эмч баталсан. Би Э.Сумъяа эгчтэй бэлтгэл хийх гэж оролдсон боловч бэлтгэлийн үеэр намайг зогсоож байгаад "Хүний өмнөөс битгий арсалдаад байгаарай" гэсэн. Тэгэхээр би яаж бэлтгэл хийж чадах вэ дээ. Би УАШТ-д түрүүлж, шигшээ багийнхантай анх удаа хамт бэлтгэл хийж байгаа" хэмээн ярилаа.

Бид энэ суудлаар Үндэсний шигшээ багийн ахлах дасгалжуулагч Б.Баттулгаас тун удахгүй тодруулан хүргэнэ.