СЭЛЭНГЭ АЙМАГТ ХУУЛЬ ЗӨРЧСӨН УУРХАЙНУУДЫГ ҮЙЛ АЖИЛЛАГААГ ЗОГСООЛОО

Ерөнхий сайд У.Хүрэлсүхийн өгсөн чиглэлийн дагуу мэргэжлийн байгууллагууд Сэлэнгэ аймагт олборлолт, хайгуул хийж буй ашигт малтмалын тусгай зөвшөөрөлтэй аж ахуйн нэгж, байгууллагын үйл ажиллагаанд хяналт, шалгалт хийв. Нийт 10,853 га газрыг хамарсан хяналт шалгалтын ажлыг явуулж, 63 аж ахуйн нэгж, нөхөрлөл, 87 иргэний явуулж байсан үйл ажиллагааг таслан зогсоов.


Тэдгээрт албан мэдэгдэл өгч, тухайн газар оронд байсан 363 иргэнийг тухайн газар нутгаас албадан гаргав. Мөн 128 экскаватор, 57 ковш, 8 бульдозер, ачааны 103 машин, суудлын 73 тээврийн хэрэгсэл, контейнер 12, 199 эсгий гэр, 58 ширхэг усан буу, 8 ширхэг гитран буу, чиргүүл 2 ширхэг зэрэг уул уурхайн тоног төхөөрөмжийг буулгаж, талбайг чөлөөллөө. Улмаар тухайн газруудыг Байгаль орчны хяналтын бүст оруулан хяналт тавьж, цаашид энэхүү шийдвэрийг хангаж ажиллахыг Ерөө, Хүдэр, Баянгол сумдын Засаг даргын тамгын газар, Байгаль орчны ажилтан нарт үүрэг болгож, хүлээлгэн өгчээ.

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 09 сарын 12  [ 202.126.88.47 ]
Зочин

Хэдэн жилийн өмнөөс уучлал

2019 оны 09 сарын 11  [ 203.91.115.46 ]
Зочин

Хууль зөрчсөн уурхайнууд гээд байх юмгүй, дандаа нинжа голлож байгаа. Эд нарын нөхөрлөл гэдэг гоё нэрийг хусаад байгаль орчинд хортой үйлдлийг зогсоо, эд нараас болж уул уурхайн салбарын нэр сэвтэж дууслаа.

2019 оны 09 сарын 11  [ 66.181.189.47 ]
Зочин

ёстой эзэнтэй байхад ямар сайн юм Хүрэлсүх сайдад ард түмэн баярлаж байна.хууль зөрчөөд байгаа бол хариуцлага ярих нь зайлшгүй юм.хэдэн төгрөг олоод ч яах юм уух ус газаргүй болбол ямар сайн байхав.энэ аж ахуйн компаниуд олсон ашигаа нууж улсад бага татвар төлдөг юм чинь улсад ямарч ашиггүй юм

Top