Өнгөрсөн долоо хоногийн турш Өмнөд Африкийн Бүгд найрамдах улсын хойд нутгуудад болсон эмх замбараагүй байдлын үеэр 12 хүн амиа алдсан тухай тус улсын Батлан хамгаалахын сайд НосививеМаписа-Нкакула мэдээлснийг "News24" сайт уламжилжээ. Амь үрэгдсэн 12 хүний 10 нь Өмнөд Африкийн иргэд байсан гэж байна. Мөн Батлан хамгаалахын сайд нь "ӨАБНУ нь харийнхныг үзэн ядах үзэл ноёлдог орон биш" гэж мэдэгдсэн аж.
Өнгөрсөн долоо хоногоос Өмнөд Африкийн БНУ-д гадаадын иргэдийн эсрэг чиглэсэн үймээн эхэлсэн. Нутгийнхан гадаадын иргэдийн дэлгүүр, үйлдвэр зэргийг тонож дээрэмдэн эмх замбараагүй байдал гаргах болсон юм. Үүнээс болоод Африкийн тивийн олон орон ӨАБНУ-ын удирдлагыг улс орныхоо нөхцөл байдлыг хянах чадваргүй гэж шүүмжлэн эсэргүүцэл илэрхийлсэн.
Сэтгэгдэл (0)
Сэтгэгдэл бичигдээгүй байна