Есдүгээр сарын 11-нд Ромын пап Франциск хэвлэлийн бага хурлын үеэр "Их Британи нь НҮБ-ын шийдвэрийг дагаж Энэтхэгийн далай дахь маргаантай арлыг Маврики улсад буцаан өгөх ёстой" гэж мэдэгдсэн тухай "DailyMail" сонин мэдээлж байна. Франциск нь Африкийн орнуудаар хийж байгаа айлчлалынхаа хүрээнд Маврики улсанд очоод байхдаа энэ мэдэгдлийг хийжээ.
Их Британийн өөрийнх гэж Маврики улстай булаацалдаад байгаа Чагос арлуудыг өнгөрсөн тавдугаар сард болсон НҮБ-ын Ерөнхий ассамблейн чуулганы үеэр Их Британийн хяналт доор байх ёсгүй, Маврики улсад өгөх ёстой гэсэн саналыг дэлхийн 116 орны төлөөлөгчид дэмжиж тогтоол баталсан байдаг. Тухайн үед энэхүү саналыг АНУ, Их Британи гэсэн зургаан улс эсэргүүцэж байсан.
Ромын Пап нь НҮБ эсвэл Олон улсын шүүх зэрэг олон улсын байгууллагуудад маргаанаа шийдүүлэхээр улс орнууд хандаж байгаа тохиолдолд шийдвэрийг нь хүндлэх хэрэгтэй гээд "Хүн төрөлхтний хувьд шударга гэж шийдэгдсэн зүйлс нь тэр болгон та нарын халаасанд шударга байдаггүй нь үнэн. ...Европын гүрнүүд санхүүгийн ашгийн төлөө Африкийн колонийн үлдэгдлүүдээ тогтоон барих гэж оролдсон хэвээр байаа" гэсэн байна.
Ромын Пап Францискийн мэдэгдлийн хариуд Маврики улсын Ерөнхийлөгч БарленВьяпури, Ерөнхий сайд ПравиндЖагнот нар нь "ёс суртахууны дэмждэг үзүүллээ"гэж талархаж байгаагаа мэдэгджээ.
Британийн мэдэлд байгаа Чагос арлуудын нэг дээр АНУ-ын цэргийн том бааз байрладаг.
Сэтгэгдэл (0)
Сэтгэгдэл бичигдээгүй байна