Филиппин нь тус улс дахь хүний эрхийн талаар илтгэл бэлдэх ёстой НҮБ-ын шинжээчдийг нутагтаа оруулахгүй гэдгээ мэдэгдсэнийг "South China Morning Post" уламжилжээ. Филиппиний Гадаад хэргийн сайд ТеодороЛоксин нь НҮБ-ын шинжээчдийг хил нэвтрүүлэх тухай асуултад "Үгүй. Яагаад гэвэл тэд хэдийн ташаа шийдвэр гаргачихсан байгаа. Эдгээр шинжээчид бол эхлээд шийдвэр гаргачхаад дараа нь шүүх хурал хийдэг ташаа бодолтой новшнууд. Тэднийг зүгээр л "нүдээрээ харлаа" гээд ямар ч нотлох баримтгүй зүйл бичсэнээ хамгаалах гэж улайрахыг хармааргүй байна. Би тэдэнд тийм боломж олгохгүй" гэж хариулжээ.
НҮБ-аас Филиппиний Ерөнхийлөгч Дутертегийн хар тамхины мафийн эсрэг хийж байгаа дайнтай холбоотой хүний эрх зөрчигдсөн хэргүүдийг мөрдөн шалгах тогтоолыг долоодугаар сард гаргасан. Хар тамхины наймаачидтай гурван жил гаруй дайтах явцад 6,7 мянган хүн амиа алдсан байдаг бөгөөд үүнийг цагдаа нар буудалцааны үеэр алагдсан хар тамхины наймаачид гэдэг. Харин хүний эрхийг хамгаалагчид нь хар тамхины мафитай ямар ч холбоогүй ердийн мансуурах донтнуудыг шүүхийн шийдвэргүйгээр олноор нь хөнөөсөн гэж буруутгаж байгаа юм.
Энэ оны наймдугаар сард Дутерте нь хар тамхины наймаачдын толгойг таслахад бэлэн, үүнийхээ төлөө шоронд суухаас айхгүй байна гэж мэдэгдэж байсан. Олон улсын эрүүгийн шүүх нь 2018 оны гуравдугаар сараас эхлээд ДутертегДавао хотын мэр байхдаа болон Ерөнхийлөгчийг үүргийг гүйцэтгэх үедээ хийсэн үйлдлүүдийг мөрдөн шалгаж байгаа юм.
Сэтгэгдэл (0)
Сэтгэгдэл бичигдээгүй байна