Энэтхэгийн Ерөнхий сайд НарендраМоди ард иргэддээ хандан аравдугаар сар гэхэд бүх хот тосгодыг хуванцар хаягдлаас бүрэн цэвэрлэхийг уриалсан байна. Энэтхэг нь аравдугаар сарын 2-нд Энэтхэгийн үндэсний эрх чөлөөний хөдөлгөөний удирдагч Махатма Гандийн 150 жилийн ойг тэмдэглэнэ.
НарендраМоди "Би тосгодуудад үйл ажиллагаа явуулдаг сайн дурынхны бүх бүлэг, иргэний нийгмийн бүх бүлгийг, олон нийтийн байгууллага ба залуучууд, эмэгтэйчүүд, коллеж, төрийн ба хувийн байгууллагуудын төлөөлөгчдийг энэхүү кампанит ажилд хамтрахыг уриалж байна. Бид улс орноо хуванцар хаягдалгүй болгох ёстой. Бид үр хүүхдүүдийнхээ төлөө, ирээдүй үеийнхээ төлөө үүнийг хийх ёстой" гэсэн байна.
НарендраМодийн Засгийн газар нь 2019 оны аравдугаар сарын 2-оос эхлэн улс даяар нэг удаагийн хуванцар уут, цүнхнээс татгалзах болсноо мэдэгдээд байсан. Энэ талаар Моди нь "Дэлгүүр орох бүрдээ хуванцар уут хэрэглэхээс татгалзаж, даавуун цүнх эсвэл экологид хоргүй эдээр хийсэн цүнх авч явж байгтун. Худалдагч нар хуванцар уут, савнаас аль болох татгалзах үүрэг хүлээх ёстой. Төрийн байгууллага болох төрийн хөтөлбөрүүдийг мөн адил хуванцаргүй явагдах ёстой гэж шаардаж байна" гэжээ.
Энэтхэгийн Ерөнхийлөгч Рам НатхКовинд нь Твиттер дээрээ улс нь 2022 оноос нэг удаагийн хуванцраас бүрээн татгалзах гэж байгаа тухай жиргэсэн байсан.
Сэтгэгдэл (0)
Сэтгэгдэл бичигдээгүй байна