Хонконгт Бээжингийн бодлогыг эсэргүүцэгч уугуул оршин суугчид ба БНХАУ-ын талыг баримтлагч эх газраас ирсэн хятад иргэдийн хооронд зодоон болж байгаа тухай орон нутгийн хэвлэл мэдээллийн хэрэгслүүд мэдээлж байна.
Тухайлбал, Хонконгийн хамгийн том худалдааны төв болох "Amoy Plaza" дотор жагсагчдын дундах хэт даврагчдын бүлэг Бээжингийн талыг баримтлагчид руу дайрсан байна. Батлагдаагүй мэдээгээр Бээжингийн талыг баримтлагчдын олзолж, лазер заагчаар тусган нүдний торлогийг нь түлж тамласан гэнэ. Есдүгээр сарын 14-нд Хонконгт Засгийн газраа дэмжсэн жагсаал болж, түүний дараа БНХАУ-ын далбаа бүхий цэнхэр өнгийг богино ханцуйтай цамц өмссөн хүмүүс гудамжаар жагсаж алхсан аж. Үүнийг Хонконгийн сөрөг хүчнийхэн өдөөн хатгалга гэж үзээд тэдэн рүү дайрсан гэж Бээжингийн талыг баримтлагч мэдээллийг хэрэгслүүд тайлбарлаж байна. Харин нөгөө талыг баримтлагч мэдээллийн хэрэгслүүд нь Бээжингийн талыг баримтлагчид сөрөг хүчнийхэн рүү дайрч, санаатайгаар мөргөлдөөн эхлүүлсэн гэж байна. Энэхүү зодоон, мөргөлдөөний улмаас аль аль талаас цөөнгүй хүн шархдаж, гэмтсэн байна.
Мөн жагсагчид нь Хонконгийн Засгийн газрын ордныг бүслэн дайрах оролдлого хийсэн тухай мэдээлжээ.
Сэтгэгдэл (0)
Сэтгэгдэл бичигдээгүй байна