2,757.3 
2,989.2 
43.6 
395.2 
2.3 
-7℃
ДУТЕРТЕ АВЛИГАЧДЫГ БУУДАХЫГ ЗӨВШӨӨРӨВ
Н.Мичидмаа
2019 оны 09 сарын 16
Филиппиний Ерөнхийлөгч РодригоДутерте иргэддээ хандан авлигач албан тушаалтнуудыг буудахыг зөвшөөрсөн мэдэгдэл хийсэн тухай "Manila Bulletin" сонин мэдээлсэн байна. Дутерте "Хэрэв та татвар, суутгал төлөх эсвэл лавлагаа авах гэхэд албан тушаалтан авлига нэхвэл цохиод ав. Хэрэв та зэвсэгтэй бол тэднийг буудсан ч болно" гэжээ. Мөн авлигач түшмэлийг буудсан хүнийг шоронд суулгахгүй харин бие махбодын хүнд шийтгэл ногдуулна гэдгийг онцолжээ.
Гэхдээ гэмгүй хүмүүсийг хөнөөж болохгүй, үгүй бол өршөөл бус харин шийтгүүлнэ гэдгийг ч анхааруулсан байна. Дутерте нь авлигачид хаа саагүй байдаг, түүний захиргаанд авлигын хэрэг гарвал хэрэг хийсэн этгээдийг цохих эрхийг хохирогчид өгнө гэжээ.
"CNN Philippines"-ий мэдээснээр Дутерте нь авлига авдаг албан тушаалтнуудыг ажлаас халж, ажлаа шударгаар хийж байгааг үл үлдээнэ гээд "Авлигын тухай яригдвал огт өөрөөр ярина" гэсэн байна.
Филиппиний Ерөнхийлөгч нь сэтгэлийн хөдлөл ихтэй хурц ширүүн мэдэгдэл хийдгээрээ алдартай. Жишээлбэлэ, өнгөрсөн наймдугаар сард хар тамхины мафийн толгойлогчдыг толгойг таслаад шоронд орохоос айхгүй байна гэсэн; зургаадугаар сард "өмнө жаахан гей байж байгаад дараа эдгэрсэн" гэсэн; 2018 оны хоёрдугаар сард эсэргүүцэн жагссан эмэгтэйчүүдийг "хэнд ч хэрэггүй болгохын тулд" гээд цэргүүдэд тэдний үтрээ рүү нь буудахыг санал болгож байв.
Холбоотой мэдээ
Сэтгэц нь өөрчлөлттэй юм шиг байна. Яав ч зүгээргүй. хаха
manaid ingedeg boliyo. yostoi goyo sanaa baina.