Европын холбооны зургаан орны хууль сахиулах байгууллагууд хууль бус кабелийн сувгуудын ажиллагааг таслах зогсоох тусгай ажиллагаа явуулсан тухай "Mediaset" мэдээлсэн байна. Есдүгээр сарын 18-нд Итали, Герман, Грек, Нидерланд, Франц, Болгарын нутаг дээр энэ ажиллагааг зэрэг явуулжээ.
Сүүлийн жилүүдэд цагаач иргэд олон зуун мянгаар орж ирэхийг дагаад төлбөртэй сувгуудыг хямд үнээр хууль бусаар дамжуулдаг нууц кабелийн сувгууд олноор нээгдэж, албан ёсны зөвшөөрөлтэй кабелийн ТВ болон төлбөртэй ТВ нэвтрүүлэг бэлддэг студиүд ихээхэн хохирол хүлээх болсон тул ийм арга хэмжээ авахаас өөр арга байгаагүй бололтой. Хууль бус ТВ сувгуудын цар хүрээг ойлгохын тулд Италийг жишээ татсан байна. Энэ улсад хууль бус кабелийн ТВ-ийн үйлчилгээг 5 сая хүн ашиглаж, сарын эргэлт нь 2 сая еврод хүрсэн. Хамгийн олон үзэгчидтэй төлбөртэй сувгуудыг сарын 12 евро төлж үзэх боломж олгодог байж. Тусгай ажиллагааны үеэр энэ мэт үйл ажиллагаа явуулаг компаниудын тоног төхөөрөмжийг хураан авч, заримынх нь ажлыг тасалдуулж чадсан байна.
Сэтгэгдэл (0)
Сэтгэгдэл бичигдээгүй байна