Дэлхийн хэмжээнд олон улсын цагаачдын тоо энэ жил 51 сая нэмэгдэж 272 саяд хүрсэн тухай НҮБ-ын Эдийн засаг ба нийгмийн асуудал хариуцсан департаментаас гаргасан мэдэгдэлд дурджээ. Олон улсын цагаачдын тоо дэлхийн хүн амын 3,5 хувьд хүрсэн.
Хавчин гадуурхсан эсвэл амь насанд нь аюул учирсан болохоор аргагүйн эрхэнд харь улсыг зорьж байдаг дүрвэгчдээс ялгаатай нь цагаачид нь амьдралаа сайжруулах, өндөр цалинтай ажилд орох эсвэл боловсрол олж авахын тулд гадаадыг зорьж байдаг. Цагаачид нь тогтвортой хөгжлийг тогтоон барихад чухал хувь нэмэр оруулдаг ч гэлээ тэдэнд бас дэмжлэг, хамгаалалт шаардлагатай байдаг гэдгийг НҮБ-ын мэргэжилтнүүд сануулжээ.
Олон улсын цагаачдын хувьд очихоор хамгийн их тэмүүлдэг улс нь АНУ. Энэ улсад 51 сая цагаач хүн ажиллаж амьдарч байна. Тус бүр 19 цагаачдын хүлээн авч, тэжээж байдаг Герман, Саудын Арави нь хоёр, гуравдугаар байрт ордог. ОХУ нь 12 сая цагаач хүлээн авч дөрөвдүгээрт жагсдаг. 10 сая цагаачтай Их Британи тавдугаарт ордог. Харин Канад, Франц, Австрали гэсэн орнууд тус бүр найман сая цагаачтай бол Итали нь 6 сая цагаачтай.
Нийт цагаачдын 48 хувь нь охид, эмэгтэйчүүд байдаг бол 20 хүртэлх насны залуучууд 14 хувь нь байдаг. Цагаачдын 74 хувь нь 20-64 насны хөдөлмөрийн чадвартай үеийн хүмүүс.
Сэтгэгдэл (0)
Сэтгэгдэл бичигдээгүй байна