СЭТГҮҮЛЧИД ЗАНАЛХИЙЛСЭН ХҮНД ДӨРВӨН САР ХОРИХ ЯЛ ОНООВ

АНУ-ын Массачусетс мужид амьдардаг 69 настай Роберт Д. Чейнгэгч хүнд "Boston Globe" сонины сэтгүүлчдэд заналхийлсэн хижээл насны хүнд дөрвөн сар хорих ял оноосон тухай тус мужийн прокурорын албанаас мэдээлсэн байна. Үүнээс гадна 3,5 мянган долларын торгууль төлж, сонины газар 16 мянган долларын нөхөн төлбөр олгохыг шүүхээс үүрэг болгоод суллагдсаныхаа дараа нь гурван жилийн хугацаанд цагдаагийн хяналт дор явах ёстой болжээ.

Роберт Д. Чейн нь өнгөрсөн наймдугаар сараас "Boston Globe" сонины редакц руу тогтмол утсаар ярьж заналхийлж байжээ. Тэрээр тус сониныг "ардын дайснууд" гэж нэрлээд сэтгүүлчдийг нь буудна гэж мэдэгдэх болсон байна. Америкт хэвлэл мэдээллийн хэрэгсэл, сэтгүүлчид заналхийлсэн тохиолдолд туйлын хариуцлагатай ханддаг тул "настай хүн уурлаа биз" гэж орхилгүй мөрдөн байцаалт явуулан Чейныг баривчилжээ. Баривчлан үеэр түүний гэрээс 20 нэгж галт зэвсэг гарч ирсэн нь заналхийллийн дагуу мөрдлөг явуулсан нь дэмий хэрэг байгаагүй гэдгийг харуулжээ.