Сүүлийн сарын хугацаанд том оврын хөргүүртэй автомашинд их хэмжээний малын мах ачиж нөөцөлж байгаа талаар иргэдийн мэдээлэл бидэнд ирсэн. Энэ дагуу шөнийн сурвалжлага бэлтгэлээ. СХД-т байрлах "Авто худалдааны төв"-ийн хажууд найман тов оврын автомашин байсан. Биднийг сурвалжлага бэлтгэхээр очих үед МХЕГ, Тагнуулын ерөнхий газар тус автомашинуудад гэнэтийг шалгалт хийж байв.
Эдгээр автомашинд адууны мах бий. Яамнаас гарах зөвшөөрлийг хүлээгээд 20 гаруй ийм байдалтай байгаа гэж жолооч хэлж байна. Мэргэжлийн хяналтын ерөнхий газрын улсын байцаагч эдгээр автомашинд хадгалсан махны гарал үүслийн гэрчилгээ болоод хадгалалтын горимыг шалгах ёстой гэв.
Эдгээр авто машины гурав нь "Монгол эко мах" компанийнх. Энд ямар ч хууль бус үйл ажиллагаа болоогүй. Харин ХХААХҮЯ-ны зөвшөөрөл гарахгүй удаж байгаа талаар тус компанийн захирал Цагаанбаатар учирлаж байна. Экспортынхоо бичгийг хүлээж байгаа аж ахуйн нэгжүүд өдөрт нэг автомашиндаа дунджаар 200 гаруй мянган төгрөгийн зардал гаргаж байгаа гэв.
Тээврийн цагдаагийн газраас ажиллаж эдгээр автомашины жолооч нарыг дуудуулсан юм. Тус газарт байгаа найман автомашины тав нь ямар компанийн тээврийн хэрэгсэл болох нь тодорхойгүй байна. Хуулийн байгууллагын хардлагаар хууль бусаар махны экоспорт бэлтгэж байж болзошгүй, энэ нь махны зохиомол хомсдолд хүргэх вий гэсэн эрсдэл байгааг нуугаагүй. Тийм ч учраас гэнэтийн шалгалт явуулсан гэж тайлбарлалаа.
БЭЛТГЭСЭН Н.ӨНӨРЦЭЦЭГ, Э.СУГАРСҮРЭН
Сэтгэгдэл (0)
Сэтгэгдэл бичигдээгүй байна