Mongolian Poll мэдээлэл, судалгааны төвөөс Тавантолгой түлш ХХК-ийн үйлдвэрлэж байгаа "сайжруулсан шахмал түлш"-ийг тойрсон асуудлын талаар Улаанбаатар хотын гэр хороололд амьдарч байгаа 1200 иргэнийг хамруулж, 2019 оны Аравдугаар сарын 11-13 ны өдрүүдэд судалгаа хийжээ.
Сайжруулсан түлш хэрэглээд "Улаанбаатар хот утаанаас салж байна" гэдэгт та итгэж байна уу?/Зөвхөн нэг хариулт сонгоно/ | ||
Тоо | Хувь | |
Итгэж байна | 72 | 6.0 |
Итгэхгүй байна | 459 | 38.3 |
Хариулахад эрт байна | 669 | 55.7 |
Эрх баригчдын зүгээс Таван толгой компанийн үйлдвэрлэж байгаа сайжруулсан шахмал түлшийг хэрэглээд утаагүй болж байна гэх сурталчилгааг тогтмол хийж байна.Тэгвэл судалгаанд хамрагдсан иргэдийн хоёр хүн тутмын нэгнь сайжруулсан түлш хэрэглээд утаагүй болж байна гэж "хариулахад эрт байна" гэж үзэж байна. Харин иргэдийн 38.3 хувь нь утаагүй болно гэдэгт итгэхгүй байна гэжээ.
Таван толгой түлш компанийн "сайжруулсан шахмал түлш"-ийг та хэрэглэж байна уу? /Зөвхөн нэг хариулт сонгоно/ | ||
Тоо | Хувь | |
Санаа зовох зүйлгүй хэрэглэж байна | 63 | 5.2 |
Өөр сонголт байхгүй учир хэрэглэж байна | 145 | 12.1 |
Бага хэмжээгээр, айдастай хэрэглэж байна | 741 | 61.7 |
Хэрэглэхгүй байна | 251 | 21.0 |
Тус судалгааны түүвэрт Улаанбаатар хотын гэр хороололд амьдарч байгаа иргэд хамрагдсан бөгөөд тэдний 61.7 хувь нь "бага хэмжээгээр айдастай" байдлаар сайжруулсан шахмал түлшийг хэрэглэж байна гэж хариулжээ. Харин иргэдийн таван хүн тутмы нэг нь буюу 21.0 хувь нь тус түлшийг огт хэрэглэхгүй байна гэжээ.
Сайжруулсан түлшинд хордож иргэд эрүүл мэнд, хүний амь насаараа хохирсон асуудалд хэн хариуцлага хүлээх нь зөв бэ? /Зөвхөн нэг хариулт сонгоно/ | ||
Тоо | Хувь | |
Ерөнхий сайд У.Хүрэлсүх | 433 | 36.1 |
Эрчим хүчний сайд Ц.Даваасүрэн | 32 | 2.6 |
Хотын дарга С.Амарсайхан | 164 | 13.6 |
Таван толгой түлш ХХК-н захирал М.Ганбаатар | 517 | 43.1 |
Буруутай бусад албан тушаалтан | 31 | 2.6 |
Хариулж мэдэхгүй /Хуулийн байгууллага тогтооно/ | 23 | 2.0 |
Сайжруулсан түлшнээс иргэд хордож, амь насаа алдаж байгаа асуудалд Ерөнхий сайд У.Хүрэлсүх, Тавантолгой түлш ХХК-ийн захирал М.Ганбаатар нар хариуцлага хүлээх хэрэгтэй гэсэн байр суурь иргэдийн дунд давамгайлж байна.
Сэтгэгдэл (0)
Сэтгэгдэл бичигдээгүй байна