Аравдугаар сарын 29-ний өдөр Тагнуулын ерөнхий газрын болоод Цагдаагийн ерөнхий газрын алба хаагчид Улаанбаатар дахь таван зочид буудалд гүйцэтгэх ажиллагаа явуулж, 800 гаруй хятад иргэнийг баривчилсан. Учир нь дээрх иргэд зохион байгуулалтад орж, өндөр хүчин чадалтай 1000 гаруй компьютер, 10 мянга гаруй гар утас ашиглан хууль бус үйлдэл хийж байсныг урт хугацааны мөрдлөгөөр илрүүлэн, баривчилгааг зохион байгуулсан талаар ТЕГ-ын дарга Д.Гэрэл мэдэгдсэн.
Тэгвэл тухайн гар утаснуудад ашиглаж байсан дугаар нь Монголын үүрэн телефон Жи Мобайл, скайтелын дугаарууд байсныг эх сурвалж мэдээлж байна. Тэд ямар бүртгэлээр тухайн дугааруудыг авсан, хэрхэн ашиглаж байсан нь мөрдлөгийн явцад тодорхой болох юм. Мөн үзлэг нэгжлэг хийх үед их хэмжээний доллар, төгрөг байжээ.
Тэгвэл хамгийн сүүлийн мэдээллээр, өчигдөр нийслэлийн Хан-Уул дүүрэг 11-р хорооны нутаг дэвсгэрт байрлах орон сууцнаас дахин 14 хятад иргэнийг саатуулж, хэргийн газраас 40 гаруй зөөврийн компьютер хураан авсан байна. Улмаар нэмж саатуулсан 14 иргэнийг өнөөдөр мөн албадан буцаахаар шийдвэр гаргажээ.
Сэтгэгдэл (0)
Сэтгэгдэл бичигдээгүй байна