Өнгөрсөн амралтын өдрүүдээр ЦЕГ-ын алба хаагчид манай улсад визний зөрчил гаргасан 759 хятад иргэнийг албадан хил гаргаж, хятадын цагдаагийн байгууллагад хүлээлгэн өгсөн. Ингэхдээ УБТЗ-аас тусгай галт тэрэг гаргуулан цагдаагийн хуягласан хамгаалалтад, замдаа зогсолгүй явсаар Замын-Үүд боомтоор хил гаргасан байна. Нийт 783 иргэнийг МУ-аас албадан гаргах шийдвэр гарсан ч эхний байдлаар 759 иргэнийг ийнхүү гаргалаа. Үлдсэн хятад иргэдийг холбогдох хуулийн байгууллагаас хэрэг үсгэн шалгаж байгаа аж.
Эдгээр иргэд нь манай улсад аялал жуулчлалын визээр орж ирээд, хөдөлмөр эрхэлсэн тул визний зөвшөөрлийн зөрчил гаргасан шалтгаанаар гурван жилийн хугацаанд Монгол улс руу нэвтрэх боломжгүйгээр буцаагдаж байгаа юм. Тэднийг хятадын цагдаагийн байгууллага үргэлжлүүлэн шалгах юм.
Сэтгэгдэл (0)
Сэтгэгдэл бичигдээгүй байна