Ажлын байрны бэлгийн дарамтын асуудлаар ХЭҮК-т хандсан иргэний гомдлыг хурайнгуйлбал, ".....дугаарын утаснаас "...даргатайгаа хэзээ уулзах юм, санаа зоволтгүй, бид нас биед хүрсэн эр, эм хүмүүс. Би чамаас хайр халамж хүсч байна. Чи сэтгэл гаргавал би чадах бүхнээ хийнэ. Би чамайг маш их хүсдэг, ойлгооч муу даргыгаа. Хүүе! Чи даргатайгаа хэзээ уулзах юм? Чамайг 3 жил хүлээж байна. Би чамд татагдаж байна. Ганц удаа тэгэх үү, ахиж чамайг зовоохгүй...Чи халагдсан, коммунист зулбасга, ямар ч сэтгэл байхгүй чи муу баас ХУ намын хулгайч нарын хүүхэд, би чамайг ажилд авдаг буруудсан байна. Ямар ч байсан ажлаа ол, чамайг ажиллуулахгүй..." гэх зэргээр 46 мессежийг дарга С надад удаа дараа илгээж улмаар орон тоог цомхотгох үндэслэлээр ажлаас халсан.

Энэ гомдол нь баримтаар тогтоогдсон тул С-д хариуцлага тооцуулахаар дээд шатных нь удирдлагад Комиссын гишүүний бүрэн эрхийн дагуу шаардлага хүргүүлж, шаардлагын дагуу С-д сахилгын шийтгэл оногдуулсан байна"

Энэ мэт ХЭҮК-т ажлын байрны бэлгийн дарамттай холбоотой өргөдөл гомдол олноор ирдэг байна. Манай дарга нарын дунд амь бөхтэй оршсоор байгаа муухай жишиг.

Яг л үүний жишээ болон Үндсэн хуулийн цэцийн дарга Д.Одбаяр БНСУ-ын болоод бусад улсын хэвлэлийн "баатар" болж байна. Иймэрхүү үйлдлийг өндөр хөгжилтэй орнуудад хүлээн зөвшөөрдөггүй, хатуу хариуцлага хүлээлгэдгийн жишээг үзүүлж байна. Цаашид манай улсад ч хариуцлагын энэ жишиг батжиж, ингэснээр алдаагаа засдаггүй, муу зуршилтай дарга нар нүүрээ улалзуулах, цаашлаад гэр бүлээ нийтийн өмнө шившиглэх цаг иржээ.