Европын парламент дахь Туркийн асуудал хариуцсан илтгэгч Начо Санчез Амор нь Турк ба Европын холбооны харилцааны төлөв байдлын талаар сэтгүүлчдийн тавьсан зарим асуултад хариулжээ. Начо Санчез Амор нь "Цагаачдын асуудлаар Турк нь тун хүнд ачаа үүрч байгаа тул ийм талаар биднээс тусламж шаардах эрхтэй" гэжээ.
Түүнчлэн "Асуудал шийдэгдээгүй бол Туркт санхүүгийн нэмэлт тусламж авах эрх бий. Гэхдээ Туркийн "Энхийн булаг" ажиллагаа нь үүнд нааштайгаар нөлөөлөх уур амьсгал бүрдүүлэх нь юу л бол. Турк нь дүрвэгчдийг аюулгүйн бүс руу явуулах тухайгаа мэдэгдсэн. Энэ бол аюултай алхам. НҮБ-ын Ерөнхий нарийн бичгийн дарга Антониу Гуттереш нь дүрвэгсдийн аюулгүй байдал, нэр төрийг хамгаалах баталгаа гаргасан нөхцөлд л тэд зөвхөн сайн дурын үндсэн дээр буцаж болно гэдгийг онцолж байсан. Тэгвэл Турк нь ямар хүмүүсийг аюулгүйн бүс рүү буцаах гэж байгаа юм бэ? Тэнд аюулгүй хотуудыг байгуулж өгөх юм уу? Энэ арга хэмжээ бүс нутгийн хүн ам зүйн байдлыг өөрчлөх үү?" гэсэн байна.
Эцэст нь, Европын холбоо нь зөвхөн НҮБ гэх мэт олон улсын байгууллагуудын ивээл доор явагдаж байгаа арга хэмжээг дэмжихээс бус Турк дан ганц өөрийн үзэмжээр дүрвэгсдийг аюулгүйн бүс рүү явуулж байгааг дэмжихгүй гэж мэдэгджээ.
Сэтгэгдэл (0)
Сэтгэгдэл бичигдээгүй байна