Туркийн эрх баригчид Сирийн хойд нутаг дахь Азаз хотоос "Лалын улс" алан хядах бүлэглэлийн устгагдсан толгойлогч аль-Багдадийн эгч Расмия Авадыг баривчилсан байна. Өдгөө 65 настай Расмияг нөхөр, бэр, таван хүүхдийн хамт нуугдаж байсан чиргүүлээс олж баривчилсан гэж байна. Баривчилсан хүмүүсийг Туркийн тусгай албаныхан байцааж байгаа гэж байна. Туркийн эрх баригчид тэднээс "Лалын улс" бүлэглэлийн дотоод үйл ажиллагааны талаарх нэн чухал мэдээлэл олж авна гэж тооцож байгаа аж. "Associated Press" пресс агентлагийн эх сурвалж энэ талаар "Энэ бол тагнуулын байгууллагын хувьд алтны судал олсонтой адил. "Лалын улс"-ын талаар энэ хүний мэдэж байгаа зүйл нь бүлэглэлийг үйл ажиллагааны талаар илүү өргөн мэдээлэл өгч, бүр ч олон муу залуусыг баривчлахад тусалж болно" гэжээ. Туркийн Ерөнхийлөгч Эрдоган нь Расмия Авадыг цагаачдын төв саатуулж байгаа, цаашдын тавиланг нь Туркийн шүүх шийдэх тухай мэдэгджээ. Тэрээр "Одоо хууль зүйн ажилбарууд хийгдэж байна. Бүх ажил манай хуулийн дагуу хийгдэх болно. Манай албад баривчилгаа хийсэн тул энэ хүн одоохондоо цагаачдын төвд саатуулагдах болно" гэжээ. Гэхдээ аль-Багдадийн эгчийг шүүх ажиллагааг Туркт болох эсэх талаар хариулт өгөөгүй байна.
Сэтгэгдэл (0)
Сэтгэгдэл бичигдээгүй байна