2020/06/02
USD 2,773

​ЕРӨНХИЙ САЙД ''FACEBOOK'' ДЭЭР ГАРСАН СҮРДҮҮЛГИЙГ ШАЛГУУЛАХААР ЦАГДААД ХАНДЖЭЭ

О.Шүрэнцэцэг
2019/11/06

Израйлын Ерөнхий сайд Биньямин Нетаньяху "Facebook" сүлжээнд "Цвика Сабаг" гэсэн нэрээр бүртгэгдсэн хэрэглэгч өөрийг нь болон гэр бүлийг нь хөнөөхийг уриалсантай холбоотойгоор цагдаагийн газрын удирдлагад хандсан байна. Израйлийн Ерөнхий сайдын хэрэг эрлэх газрын мэдээлснээр "Ерөнхий сайд Биньямин Нетаньяху Facebook-ийн "Цвика Сабаг" хэрэглэгч Ерөнхий сайдыг болон гэр бүлийг нь хөнөөхийг уриалж байгаатай холбогдуулан Израйлын цагдаагийн ерөнхий мөрдөгчийн үүрэг гүйцэтгэгч Моти Коэнтэй холбоо барьсан. Ерөнхий сайд нь энэ хэрэгтэй холбоотой мөрдөн байцаалтыг нэн даруй эхлүүлэхийг хүссэн" гэжээ. "Цвика Сабаг" гэгч хэрэглэгч нь Нетаньяхуг дүүжлүүртэй адил унжсан уяаны ард зогссон байдалтайгаар зураг эвлүүлээд тайлбар дээр "Ерөнхий сайд болон гэр бүлийг нь, түүнтэй хамран ажилладаг хүн бүрийг үхтэл үзэн ядаж байна" гэж бичжээ. Израйлийн Ерөнхий сайдын хүсэлтийг дагуу цагдаа газар нь кибер гэмт хэргийг мөрдөх зорилгоор байгуулсан "Лахав-433" гэдэг тусгай бүлэгт энэ хэргийг хариуцуулаад байгаа аж.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.31.103 |   2019/11/06
монголд юм байх гэж бодлоо. бодож гарчиглахад яадаг?
Хариулах
108.172.124.216 |   2019/11/06
Hurelsukhiig tegsen um baih getel shaal haa hamaagui um bichihiin , oorsdiin tolgoi deerh buhliig harahgui busdiin tolgoi deerh us hainaa gej hoorhii.
Хариулах