ЦЭЦИЙН ДАРГА Д.ОДБАЯР МЭДҮҮЛЭГ ӨГӨХӨӨР БОЛЖЭЭ

Монгол Улсын Үндсэн хуулийн Цэцийн дарга Д.Одбаяр онгоцны үйлчлэгчийн биед хүрсэн буюу асуудалтай холбоотойгоор мэдүүлэг өгөхөөр БНСУ-д очсон байна.

Тэрбээр өнөөдөр /2019.11.06/ товлосон цагаасаа өмнө "Инчён" олон улсын нисэх буудалд газарджээ. Д.Одбаярын нислэг орон нутгийн цагаар 09:20 цагт Инчёнд газардах хуваарьтай байсан ч нислэг нэг цаг 30 минутын өмнө газардсан тухай БНСУ-ын хэвлэлүүд мэдээлж байна.

Хэргийг сануулбал, Монгол Улсын Үндсэн хуулийн Цэцийн дарга Д.Одбаяр болон түүнийг дагалдан явсан А нар аравдугаар сарын 31-ний өдөр онгоцны үйлчлэгчийн биед хүрсэн буюу бэлгийн халдлага үйлдсэн хэргээр Өмнөд Солонгосын цагдаад саатуулагдсан байдаг. Түүнийг Улаанбаатар-Сөүл чиглэлийн онгоцоор зорчиж явахдаа онгоцны үйлчлэгч болох 20 настай эмэгтэйн биед хүрсэн, мөн А гэгч монгол иргэн үйлчлэгчийг мөрөөр нь тэвэрсэн үйлдэл гаргасныг буруутгаж, тус улсын цагдаагийн алба хаагчид саатуулсан талаар Өмнөд Солонгосын хэвлэлүүд анх мэдээлсэн юм.

Өмнөд Солонгосын хэвлэлүүдийн мэдээлснээр тухайн өдөр Үндсэн хуулийн цэцийн дарга Д.Одбаяраас цаг гаруй хугацаанд байцаалт авчээ. Тухайн үед Д.Одбаяр нь "Би энэ явдалд хамаагүй. Миний ард сууж явсан хүнтэй холбоотой. Намайг андуурсан" хэмээн мэдүүлээд, асуудлыг дипломат халдашгүй эрхийн хүрээнд шийдэхийг хүссэн байдаг. Улмаар БНСУ-д эргэж ирээд мэдүүлэг өгөхөө илэрхийлж, Бали аралд болох Олон улсын хуралд оролцохоор явсан юм.

Өмнөд Солонгосын тал арваннэгдүгээр сарын 1-нд түүнийг Индонез руу нисэхийг нь зөвшөөрч, цааш явуулсан ба БНСУ-д эргэж ирэхгүй тохиолдолд ямар ч мөрдөн байцаалт явуулалгүйгээр хэргийг прокурорт шилжүүлэхээ мэдэгдсэн байна.

"Корейн Эйр" компанийн зүгээс "Нисэх онгоцны үйлчлэгчээр ажилладаг Монгол Улсын иргэн эмэгтэйг Монгол Улсын Үндсэн хуулийн Цэцийн дарга Д.Одбаяр монгол хэлээр доромжилсон, сүрдүүлсэн нь түүнийг сэтгэл зүйн тогтворгүй байдалд хүргэсэн" хэмээн мэдээлэл өгчээ. Яг юу гэж сүрдүүлснийг нь олон нийтэд тодорхой мэдээлээгүй байгаа хэдий ч тухайн үеийн байдлаас болж их хэмжээний айдастай, чичирч байсан талаар мэдээлэл өгөв. Цагдаагаас тухайн ажилтныг мөн мэдүүлэг өгүүлэхээр дуудсан байна.

БНСУ-ын хуулиар энэ төрлийн гэмт хэрэгт 1 жилийн хорих ял оноох юм уу, 3 сая воноор торгох заалттай. Мөн Д.Одбаярын илэрхийлж буй халдашгүй эрхэд БНСУ-ын Ерөнхийлөгч, Ерөнхий сайд, Гадаад харилцааны сайд гэсэн гурван албан тушаал хамаардаг тул Үндсэн хуулийн Цэцийн дарга ийм эрхэд хамаардаггүй болохыг сануулж байгаа юм. Иймд Өмнөд Солонгосын олон нийтийн зүгээс бэлгийн дарамт үзүүлсэн хэрэгт хариуцлага хүлээлгэхийг шаардаж байна.

Эх сурвалж: www.yna.co.kr

Сэтгэгдэл (7)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 11 сарын 06  [ 66.181.161.1 ]
Зочин

meduuleg oghoor yavsan zardliin hen tolhuuu?

2019 оны 11 сарын 06  [ 103.80.211.104 ]
Зочин

Ene uls chini yachihsan yum be yamar humuus udirdaad bna aa

2019 оны 11 сарын 06  [ 58.122.134.15 ]
Зочин

Орчуулга хийж өгсөн онгоцны үйлчлэгч монгол эмэгтэйг сүрдүүлсэн байна лээ. Би чамайг монголд очиход зүгээр байлгахгүй дээ гэж айлган сүрдүүлсэн гэсэн!!!! Сэжгийн юмыг ажлаас нь чөлөөлөөч‼ хуулийн байгууллагад ажилдаг хүн хууль зөрчөөд гадаад оронд монгол гэдэг нэрийг муугаар дуурсгаад ямар гутамшиг вэ‼

2019 оны 11 сарын 06  [ 66.181.167.53 ]
Зочин

ОДБАЯР Ч ЯАХАВ ОЙЛГОМЖТОЙ. ТЭР ЯРИГДААД БАЙГАА "А" ГЭДЭГ НУУЦЛАГ ЭРХЭМ ХЭН БЭ. НИЙТЭД ИЛ ТОДООР ЗАРЛААЧ. АРД ТҮМЭН МЭДЭХИЙГ ХҮСЧ БАЙНА. ГАНЦ ОДБАЯРААР ХАЛХАЛААД НУУГААД ҮЛДЭХ ВИЙ!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

2019 оны 11 сарын 06  [ 103.9.88.154 ]
Зочин

garaa barij yavj chadakhgui bol gadaad yavj ulsiin ner gutaakh shaardlaga alga daa toriin alvan khaagsh nar mini

2019 оны 11 сарын 06  [ 103.20.152.50 ]
Зочин

А ..А ..А гэж хэн бэ

2019 оны 11 сарын 06  [ 66.181.160.42 ]
Зочин

Yum buhniig mongol huniig doord uzej deerelhedeg shigee bitgii bod ard tumnees hulgai hiij tolgoid garsan mangasuudaa

Top