2020/06/02
USD 2,773

​АФРИКИЙН ГАХАЙН ТАХЛЫН УЛМААС ДАНИ 740 САЯ ДОЛЛАРЫН АЛДАГДАЛ ХҮЛЭЭЖ МАГАДГҮЙ

О.Шүрэнцэцэг
2019/11/07

Данид Африкийн гахан тахал өвчин тархсан нь нотлогдвол эдийн засаг нь 740 сая долларын алдагдал хүлээж магадгүй гэдгийг Копенгагены их сургуулийн Хүнсний аж үйлдвэрлэл ба эх үүсвэрийн төвийн эдийн засагчид тооцож гаргасан тухай "Jyllands-Posten" сонин мэдээлсэн байна. Тооцоо хийсэн судлаачдын нэг Хеннинг Отте Хансен нь "Бид Ази руу ч тэр Европ руу ч тэр их хэмжээний гахайн мах экспортолдог. Ийм учраас Данийн гахай махны үйлдвэрлэгчид гахайн тахлын улмаас ноцтой хохирол амсаж магадгүй болоод байна" гэжээ. БНХАУ-д гахай тахлын шинэ дэгдэлт эхэлж, олон зуун мянган гахайг устгалд оруулж эхэлсний улмаас Данийн үйлдвэрлэгчдийн нийлүүлдэг гахайн махны үнэ хамгийн дээд цэгтээ хүрээд байгаа юм. Гэтэл аравдугаар сард Данийн Эрө арал дээр тодорхойгүй шалтгааны улмаас үхсэн долоон бодон олдсон бөгөөд Хүнсний бүтээгдэхүүний удирдах газар нь амьтадын сэгэнд гахайн тахал илрүүлэх шинжилгээ хийхээс татгалзаад байсан юм. Хэрэв шинжилгээ хийгдээд Данийн нутагт гахайн тахлын халдвар орж ирсэн нь тогтоогдвол 1-2 жилийн хугацаатай карантин тогтоох шаардлагатай болно. Энэ хугацаанд Данийн гахайн махны экспортыг бүрэн зогсоох юм. Үүнээс болж гахайн мах үйлдвэрлэгчид 740 сая долларын алдагдал хүлээж болзошгүй гэж үзсэн байна


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна