2020/05/27
USD 2,773

ЭРДОГАНЫ ҮЕД ТУРК УЛС БАТЛАН ХАМГААЛАХ САЛБАРЫНХАА ИМПОРТЫГ 70 ХУВЬ ОРЛУУЛЖ ЧАДСАН

О.Шүрэнцэцэг
2019/11/07

Туркийн Ерөнхийлөгч Режеп Тайип Эрдоган нь Анкара хотын их сургуулийн шашны факультетын 70 жилийн ойн ёслолын арга хэмжээнд оролцохдоо "Бүхнээс дээд Аллахад сүсэглэвээс ямар ч ялалт хялбар. Биднийг засгийн эрхэнд гарах үед батлан хамгаалах салбарын импорт орлуулалт ердөө 20 хувь байсан. Одоо энэ үзүүлэлт 70 хувь болсон" гэжээ. Цаашлаад Эрдоган нь "Өнөдөөр биднийг алан хядлагатай хийх тэмцэлд ялалт байгуулж байна гэж үзвэл гол шалтгаан нь бидний "найз нар" юм. Тэд бидэнд өөрсдийн цохилтын болон тагнуулын дронуудаа өгөхгүй байсан. Конгрессын зөвшөөрөл хэрэгтэй гэцгээж байсан бол одоо бид тэднийг өөрсдөө үйлдвэрлэж байгаа төдийгүй Akıncı гэж нэрлэсэн хамгийн орчин үеийн загварыг бүтээгээд байна. Тэдний ашигладаг зэвсгийг ч бид мөн л өөрсдөө бие даан үйлдвэрлэж байгаа" гэжээ. Эцэст нь тэрээр "Антальяд болсон G-20-ийн чуулга уулзалт дээр би алан хядлагатай хийх тэмцэлд асуудал тулгараад байгаа тухай ярьсан (АНУ-ын экс Ерөнхийлгч Барак Обамад). Тэр хариуд нь АНУ-ыг бидэнд дамжуулж өгнө гэсэн (бай руу өөрийгөө чиглүүлдэг пуужин). Гэтэл тийм зүйл болоогүй. Ийм "хөршүүд" л биднийг өөрсдөө өөрийгөө чиглүүлэгч пуужин зохион бүтээхэд хүргэсэн юм. Одоо бид түүнийг өөрсдөө үйлдвэрлэж байна. Манай батлан хамгаалах бүтээгдэхүүний экспорт 2,5 тэрбум долларт хүрээд байгаа" гэжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна