Хүний эрхийг эн тэргүүнд чухалчилдаг БНСУ-ын төдийгүй дэлхий нийтийн хэвлэлийн баатар болоод байгаа Үндсэн хуулийн цэцийн дарга Д.Одбаяр нь өдгөөгөөс хоёр жилийн өмнө буюу 2017 оны зургаадугаар сард ҮХЦ-ийн даргаар сонгогдсон. Тодруулбал, МУ-ын Ерөнхийлөгч асан П.Очирбатын бүрэн эрхийн хугацаа дуусгавар болсноор сонгогдсон байдаг. Монгол Улсын Үндсэн хуулийн цэцийн тухай хуулийн 6 дугаар зүйлийн 1, 2 дахь хэсэгт заасны дагуу Үндсэн хуулийн цэцийн даргаар сонгох хүний нэрийг дэвшүүлэн хэлэлцэж, олонхийн саналаар сонгогдсон юм. Хуульчдын эрхэм далд мөрөөдөл нь "ҮХЦ-ийн гишүүн болох явдал" гэж хэлэхэд хилсдэхгүй болов уу, ийм л албан тушаалд тэр заларсан ч албан тушаалынхаа төдийгүй МУ-ын нэр хүндийг дэлхий дахинаа шившиглэж байна.
Тэгвэл ҮХЦ-ийн дарга Д.Одбаяр гэж хэн бэ.
Жагарномч ДОРЖИЙН ОДБАЯР нь Дорнод аймгийн Чойбалсан хотод төрсөн.
Боловсролын байдал:
1985 онд Дорнод аймгийн 10 жилийн I сургууль,
1987 онд Москва хотын Залуучуудын дээд сургууль, эвлэлийн ажилтан,
1997 онд Энэтхэгийн эрх зүйн үндэсний их сургууль, эрх зүйч,
2000 онд Голландын Клингиндаелийн академи, дипломатч.
Ажилласан байдал:
1987-1989 онд Дорнод аймгийн Пионерийн зөвлөл, ХЗЭ-ийн хороонд зааварлагч,
1990-1991 онд МХЗЭ-ийн гүйцэтгэх хороо, Тэргүүлэгч гишүүн,
1991-1992 онд Монголын Залуучуудын холбоо, Хяналтын зөвлөлийн дарга,
1997-2000 онд Хууль зүйн яам, ахлах мэргэжилтэн, Олон улсын эрх зүйн тасгийн ахлагч, газрын дарга, Хууль зүй, дотоод хэргийн яам, Төрийн захиргаа удирдлагын газрын дарга,
2000-2004 онд Дорнод аймгийн Засаг дарга,
2004-2012 онд Монгол Улсын Их Хурлын гишүүн, Хууль зүйн байнгын хорооны дарга, Хууль зүй, дотоод хэргийн сайд,
2013-2016 онд "Альтернатив энерги" ХХК, зөвлөх.
2016 оны 11 дүгээр сарын 17-ны өдөр Монгол Улсын Их Хурлаас нэр дэвшин Монгол Улсын Үндсэн хуулийн цэцийн гишүүнээр томилогдсон.
2017 оны 6 дугаар сарын 14-ний өдөр Монгол Улсын Үндсэн хуулийн цэцийн даргаар сонгогдсон.
Шагнал:
2005 онд "Алтан гадас" одон,
2011 онд Хөдөлмөрийн гавьяаны улаан тугийн одонгоор шагнагдаж байсан.
Сэтгэгдэл (0)
Сэтгэгдэл бичигдээгүй байна