СХД-ийн долоодугаар хороонд оршин суух айлын 10 настай хүүхэд угаарын хийн хордлогоор нас барсан, ээж нь ХЯТТ-д хэвтэн эмчлүүлж байна. Тухайн айл хашаандаа хоёр гэрээр амьдардаг бөгөөд яг тэр гэрт ээж, хүү хоёр л байжээ. Өглөөний 06.30 цагийн үед хажуу айлынх нь хүн тухайн айл руу шагайж, "ажилдаа явах уу" гэж дуудахад хүүгийн ээж "одоохон" гэсэн хариу хэлсэн байна. Ингээд 07.00 цагийн үед дахин дуудахад ухаангүй болсон байсны улмаас цагдаагийн байгууллагад дуудлага өгчээ.
Тухайн айл нь огт яндангүй, өрхөө бүтээгээд гал түлсний улмаас угаартаж амиа алдсан байж болзошгүйг СХД-ийн Хэвлэл мэдээлэл хариуцсан ажилтан хэллээ. Уг хэргийг СХД-ийн Цагдаагийн хоёрдугаар хэлтэст шалгаж байгаа юм байна.
Сэтгэгдэл (0)
Сэтгэгдэл бичигдээгүй байна