Энэ мэдээ манай улсад хамааралгүй. Кенид явагдсан санал асуулгын дүн ийм байдалтай гарсан байна. Кенийн дэргэд манай цагдаа нар шударга, хариуцлагатай. Кени улсын Цагдаагийн хараат бус хяналтын албанаас (IPOA) иргэдийн дунд санал асуулга явуулахад оролцсон хүмүүсийн 50 хувь нь цагдаа нарын зүгээс эрх мэдлээ хэтрүүлэн хэрэглэхтэй таарч байсан гэж мэдэгджээ. Энэ тухай "Reuters" агентлаг мэдээлсэн байна. Эрх мэдлээ хэтрүүлэн хэрэглэдэг цагдаагийн офицеруудыг хариуцлагад татах ямар нүсэр ажлыг "IPOA" гүйцэтгэх шаардлагатай болж байгаа нь энэхүү судалгаанаас харагдаж байна гэж сэтгүүлчид үзжээ. Кени иргэд цагдаа нарын харгис хэрцгий авир гэх мэт эрх мэдлээ хэтрүүлэн хэрэглэсэн тохиолдолтой олон таарч байгаа ч тэр болгоныг нотлох гэхдээ давж гарахад бэрх хүндрэлтэй тулгардаг гэдгийг ч сэтгүүлчид онцолсон байна. Кеничүүд хэлмэгдэх, ямар ч арга хэмжээ авагдахгүй гэдгээс эмээсэндээ цагдаа нарын ёс бус зан байдлын талаар мэдэгдэхээс эмээсэн хэвээр байгааг Цагдаагийн хараат бус хяналтын албанаас (IPOA) 2011 онд явуулсан судалгаа харуулсан. Энэ удаагийн асуулгад оролцсон хүмүүсийн 46 хувь нь цагдаа нар эрх мэдлээ хэтрүүлсэн гэж болох ядаж нэг үйлдлийн хохирогч болж байсан гэж мэдэгдсэн. Гэтэл зургаан жилийн өмнө яг адил асуулга явуулахад 30 хувь нь ийм хариулт өгч байжээ. Цагдаагийн зүгээс гаргасан хүчирхийлэлтэй тулгарсан гэж мэдэгдсэн хүмүүсийн 10 хувь нь л тэр тухайд хууль сахиулах байгууллагад мэдэгдсэн гэсэн байна. Мөн 70 хувь нь зөрчлийн талаар орон нутгийн цагдаагийн хэлтэст мэдэгдсэн ч 50 хувь нь өргөдлийнх нь дагуу ямар ч арга хэмжээ аваагүй гэсэн байна.
°C
Сэтгэгдэл (1)