​ИХ БРИТАНИЙН АРДЧИЛАЛД ЗАНАЛХИЙЛЖ БАЙГАА ОРОС БИЗНЕСМЕНҮҮДИЙГ НЭРЛЭЖЭЭ

О.Шүрэнцэцэг
2019/11/11

Өрнөдийн орнуудад сонгуулийн үеэр нэгнээ Оростой холбоотой, Оросын тагнуул туршуул гэж буруутгасан мэдээг сөргөлдөгч талууд ашиглах нь нэгэнт хэвийн үзэгдэл болжээ. Анх Трампыг Ерөнхийлөгч болсон сонгуулийн үеэр АНУ-д эхэлж байсан энэ төрлийн хийрхэл өдгөө дэлхий Өрнөдийн голдуу орнуудаар хүчтэй газар авчээ. Улс төрийн ямар нэг ээдрээ, дуулиант хэрэг, сонгуулиар талууд нь ёс юм шиг нэгнээ Оростой холбоотой, Оросын эрх ашгийг хамгаалж, эх орноо золигт гаргах гэж байна гэдэг, үүндээ тагнуулын байгууллагуудын мэдээллийг ашигладаг болсон.

Жишээлбэл, удахгүй Их Британид парламентын хугацаанаас өмнөх сонгууль болох гэж байна. Энд талууд аль хэдийн нэгнээ ОХУ, Путины тагнуулаар зарлаад, сонгуулийн сурталчилгаа эхлүүлээд байгаа. Консерватив намынхан сонгуулиар ялж, Brexit-ийг амжилттай дуусган Путины буруу байсан гэдгийг харуулна, Brexit-ийг эсэргүүцэж байгаа Лейбористууд бол ОХУ, Путины талын туршуулууд гэж байгаа. Харин лейборист намынхан үүний хариуд Ерөнхий сайд Борис Жонсоны тэргүүлж байгаа Консерватив намд их хэмжээний хандив өргөсөн Оросын бизнесменүүдийн нэрийг ил болгосон нь ихээхэн дуулиан тариад байна. Эдгээр бизнесменүүдийг Их Британийн парламентын Тагнуул ба аюулгүй байдлын хорооны (ISC) маш нууц тайланд дурдсан байжээ. Тус тайланг олонд ил болгохыг Борис Жонсон эрс эсэргүүцэж, сонгуулийн дараа ил болгох шийдвэр гаргасан ч хэвлэлийнхэн яаж ийгээд нууц тайлан илтгэлтэй танилцаад Оросын бизнесменүүдийн нэрийг олж мэджээ. Тараагдсан парламент дах Жонсоныг эсэргүүцэгчид дийлэнх олонх байсан тул ийм тайлан гарсанд гайхах зүйлгүй байх. Нэр гарсан оросуудын зарим нь Борис Жонсонтой биечлэн танилцаж, дотнын харилцаа үүсгэж байсан гэж тайланд дурдсан байсан юм гэнэ.

Тухайлбал, "ЮКОС"-ын дэд Ерөнхийлөгч асан Александр Темерокогийн нэр гарсан. Энэ хүнийг ОХУ-д "Енисейнефтегаз"-ын хувьцааг хулгайлсан гэж буруутган эрэн сурвалжилж байгаа ч Их Британид гарсан. Тэрээр Борис Жонсоныг "найзаа" гэж олны дэргэд ярих дуртай юм гэнэ. Темероко нь сүүлийн долоон жилийн дотор Консерватив намд 1,2 сая фунт хандивлажээ.

Өөр нэг гарсан нь Оросын төрийн өмчит "Внешэкономбанк"-ны тэргүүн асан, Оросын Сангийн сайд асан Владимир Чернухины гэргий Любовь Чернухина. Тэрээр Борис Жонсон ба экс Ерөнхий сайд Дэвид Кэмеронтой хамт газрын теннис тоглохын тулд 150 мянган фунт төлж байсан. Өмнө нь Консерватив намд 450 сая фунт хандивлаж байжээ.

Дараагийн нэр гарсан хүн бол Британийн "Independent" сонины эзэн тэрбумтан Александр Лебедев. Түүний хүү нь Жонсоны их дотнын найз болж таарсан.

Энэ бүхнээс үүдээд Brexit-ийг эсэргүүцэгч Британийн хэвлэлүүд нь эдгээр бизнесменүүдийг "Их Британийн ардчилалд заналхийлж байгаа оросууд" гэж тодорхойлоод байгаа юм. Өрнөдийн бусад орнуудад бол ОХУ, Путинтай, Оросын тэрбумтнуудтай нэр холбогдсон улстөрч болгон ялагдал хүлээж, цаашид улс төрд өсөн дэвших найдлагагүй болдог бол Жонсон энэ бүхнээс яаж мултрахыг сонгуулийг үр дүн харуулах болоод байгаа аж.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ирэх сард ихэнх нутгаар хүйтэн байна 28 минутын өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 1 цагийн өмнө
Зам засварын ажил ирэх сарын 10-наас эхэлнэ 2 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 2 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 4 цагийн өмнө
Сурагчид өнөөдөр хичээллээд амарна 4 цагийн өмнө
Танилц: Өнөөдөр цахилгаан хязгаарлах байршлууд 4 цагийн өмнө
Ойрын хоёр хоногтоо салхитай хүйтэн байна 4 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 19 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 21 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 21 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 22 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 22 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 22 цагийн өмнө
Хүүхдийн паркт амьтны хүрээлэн ажиллаж байна 23 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр
Орон даяар 16:00 цагт гамшгийн аюулын зарлан мэдээллийн дохио дуугарна Өчигдөр