АН-аас нэр дэвшихийг горилж байна уу, тэгвэл 100 сая төгрөгийн такс төл

О.Шүрэнцэцэг
2019/11/11

Ардчилсан намын Үндэсний бодлогын хороо өчигдөр Төрийн ордны Их танхимд хаалттай горимоор хуралдсан юм. Хуралдаанд ҮБХ нь 419 гишүүн оролцохоос 68 хувь нь ирснээр ирц 50 хувийн босгыг давж, ширүүхэн хуралдлаа.

Хаалттай сөрөг хүчний хурлын мэдээллийг нээлттэйгээр хүргэе.

Тус хуралдаанаар нөхөн сонгуулиар сонгогдсон ҮБХ-ны гишүүдийг батламжлахын зэрэгцээ 2020 онд АН-наас нэр дэвшихээр горилж буй намынхаа гишүүдийг 100 сая төгрөг өг гэжээ.

Үүнийг намынх нь залуучууд эсэргүүцсэн ч хуралд оролцсон 180 ҮБХ-ны гишүүнээс 110 дэмжсэнээр 100 сая төгрөгийн дэнчин мөнгийг намдаа хураалгахыг дэмжсэн байна. 2016 онд АН-ын нэр дэвшигчид 20-50 сая төгрөгийг намдаа тушааж байсан. Гэтэл энэ удаад 100 сая төгрөгийн тасалбар авахаар болсон байна. Гэхдээ нэр дэвшихийн тулд горилж буй ҮБХ-ны гишүүн нь 100 сая төгрөг тушаагаад шууд нэр дэвшинэ гэсэн үг биш. Эхний ээлжинд 100 сая төгрөгөө тушаагаад нам дотроо өрсөлдөнө. Намынхаа нөхөдтэй өрсөлдөөд гарч ирсэний дараа жинхэнэ дэнчин мөнгөө ахиад намдаа тушаана гэсэн үг. Тэр нь хэд байх нь яригдаагүй байна. Ямартаа ч өчигдөр 100 сая төгрөг тушаах тогтоолын төслийг хурлаас баталсан аж. Ингэснээр тойрогт нэр дэвших хүсэлтэй ҮБХ-ны гишүүд намынхаа дарга С.Эрдэнэтэй 2019 оны дөрөвдүгээр сар хүртэл гэрээ байгуулахаар болжээ. 100 сая төгрөгөө өгөөд намаасаа гарч ирэхгүй, тойрогт нэр дэвших боломжгүйд хүрвэл тухайн гишүүндээ улс төрийн дэмжлэг үзүүлэхээр гэрээлэх аж. Улс төрийн дэмжлэг гэдэг нь 100 сая төгрөгөө өгөөд УИХ-д нэр дэвшиж чадахгүй мултарвал албан тушаал амалж байна гэсэн үг ажээ.

"Нэр дэвшигчийг тодруулах урьдчилсан гэрээ"-ний төслийг өчигдөр танилцуулсан байна. Ингэхдээ ҮБХ-ны гишүүдийн гар утсыг унтрааж хаалттай байдлаар танилцуулсан байна. 100 төгрөгийг гурван хувааж төлөхөөр гэрээнд заажээ.

Эхний төлөлтийг 2019 оны арванхоёрдугаар сарын 15-нд 30 сая төгрөг төлнө.

Дараагийн төлөлт нь 2020 оны хоёрдугаар сарын нэгэнд 30 сая төгрөг төлнө. Харин сүүлийнх нь 2020 оны дөрөвдүгээр сарын 1 -нд үлдсэн 40 сая төгрөгийг төлөхөөр гэрээний төсөлд тусгасан байна.

Намынх нь нөхөд 100 сая төгрөг нэхсэн намынхаа даргад дургуйцсэн ч наашаа харж инээж буруу харж уурлаж ийнхүү дэмжсэн байна. Зарим гишүүдийн зүгээс сонгуулийн тогтолцоо хэрхэхийг харах хэрэгтэй гэх байр суурийг илэрхийлсэн байна. АН нэр дэвшихийг горилогч нарт 100 сая төгрөгийг ийнхүү тулгаж буй нь мөнгөтэй хүн төрд гардаг замыг нээж өгч байна гэсэн үг. Энэ талаар АН-ын удирдлагууд нууцалж байгаа бөгөөд эцсийн шийдвэр гараагүй нээлттэй орхисон хэмээн тайлбарлаж байна.

Н.Өнөрцэцэг


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 4 цагийн өмнө
Ирэх сард ихэнх нутгаар хүйтэн байна 5 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 6 цагийн өмнө
Зам засварын ажил ирэх сарын 10-наас эхэлнэ 7 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 7 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 9 цагийн өмнө
Сурагчид өнөөдөр хичээллээд амарна 9 цагийн өмнө
Танилц: Өнөөдөр цахилгаан хязгаарлах байршлууд 9 цагийн өмнө
Ойрын хоёр хоногтоо салхитай хүйтэн байна 9 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр