Төрийн албаны автомашиныг хувьдаа ашигладаг, хүүхдээ зөөдөг дарга нарын асуудлаар манай сайт өмнө нь мэдээлэл бэлтгэн ажиллаж байсан. Тэгвэл энэ удаа ЦЕГ, Төрийн албаны зөвлөл хамтран нэр бүхий сургуулиудад хяналт шалгалт хийлээ. Шалгалтын ажлын хэсгийнхэн "Нэгдүгээр" сургууль, "Монгол- Орос"-ын хамтарсан Гуравдугаар сургууль, "Бритиш", "Орчлон" зэрэг сургуульд төрийн албан хаагчид албаны машинаа хувийн зорилгоор ашиглаж байгаа эсэхэд хяналт тавилаа. Шалгалтаар, албаны хэрэгцээний автомашинаар хүүхдээ зөөж байгаа тохиолдлууд хэд, хэд илрэв.
Тодруулбал, өнөө өглөөний 07 цаг 55 минутын орчимд ХУД-т байрлах "Орчлон" сургуулийн гадна талд "23-02 УБЗ" улсын дугаартай төрийн албаны машинаар хүүхдээ хүргэснийг бид фото зургаар баталгаажуулсан байдаг. Энэхүү "23-02 УБЗ" улсын дугаартай машин нь "Улаанбаатар Төмөр зам" ХНН-ийн Дотоод хяналт, аудитын хэлтсийн дарга Д.Болдынх болох нь нотлогдов.
Сэтгэгдэл (0)
Сэтгэгдэл бичигдээгүй байна