Төрийн албан хаагчид болоод төрийн өндөр албан тушаалтнууд албаны хэрэгцээний автомашиныг хувийнхаа ажил амьдралд зориулдаг. Албаны хэрэгцээний автомашинаар хүүхдээ сургуульд нь хүргэж өгч, авдаг нийтлэг "соёл" төрийн албанд тогтжээ. Хуулийн байгууллагуудын ноён оргил Үндсэн хуулийн цэцийн дарга Д.Одбаяр нь хилийн цаана зүй бус хэргээр шалгагдаж байгаа. Тэгвэл цэцийн гишүүн Ш.Солонгийн албаны хэрэгцээний автомашинаар сургуулийн хүүхэд хүргэж өгснийг бид өглөө мэдээлж байв.
Тэгвэл ахин Үндсэн хуулийн цэцийн өөр нэгэн гишүүнтэй холбоотой шинэ баримтыг хүргэе. Төрийн өмчийн хорооны даргаар ажиллаж байгаад Үндсэн хуулийн цэцийн гишүүнээр сонгогдсон Ц.Нанзаддоржийн албаны машиныг амин хувьдаа ашиглаж буй баримтыг дэлгэе. Тодруулбал 2019 оны арваннэгдүгээр сарын 11-нд буюу өчигдөр өглөө 07-08 цагийн хооронд "0034- УБЗ" улсын дугаартай соната -8 маркийн хар өнгийн автомашин "Орчлон" олон улсын сургуулийн гадна хүүхэд буулгаж байсан юм.
Сэтгэгдэл (0)
Сэтгэгдэл бичигдээгүй байна