2020/07/02
USD 2,811

Курдууд их хохирол амсаж байна

О.Шүрэнцэцэг
2019/11/13

"Сирийн ардчилсан хүч" /САХ/ гэж нэрлэгдсэн Сирийн курдуудын зэвсэгт бүлэглэл нь аравдугаар сарын 17-нд аюулгүйн бүсээс гарахаар тохиролцсоноос Туркийн армитай хийсэн олон тулаанд ихээхэн хохирол амсжээ. Энэ тухай САХ-ийн хэвлэлийн албанаас мэдээлснийг "Al-Masdar News" сайт уламжилсан байна. Курдууны мэдээлж байгаагаар гурван долоо хоногийн хоногийн дотор курдын зэвсэгт бүлэглэлүүд агаар болон газрын цохилтод өртсөний улмаас 182 хүн амиа алдаж, 243 хүн шархдаад байгаа аж. Энэ хугацаанд Туркийн арми нь САХ-ий байрлал руу хамгийн багаар бодож 190 удаа довтолсон гэж байна. Харин зарим шинжээч САХ-г их хохирол амсахад хүргэсэн гол буруутан нь өөрсдийнх явуулж байгаа бодлого гэж үзжээ. Юуны өмнө САХ-ыг Турк ба Оросын Ерөнхийлөгч нарын хийсэн гал зогсоох тохиролцоог ашиглан дайтах чадвартай гол хүчээ туркуудын шаардаад байгаа Аюулгүйн бүс гэгчээс гаргах замаар цаашид байлдах чадвараа алдалгүй, хадгалан үлдэж болох байсан ч тэгээгүй гэж байна. Хоёрдугаарт, курдуудын удирдагчид Туркийн армиас Сирийн Засгийн газрын хүчээр хамгаалуулж суугаад туркийн эсрэг үйл ажиллагаа явуулахыг хүсэж байгаа атлаа газрын тосоор баялаг Дейр-эз-Зор,Хасака мужуудад Сирийн Засгийн газраас бүрэн хараат бус байдлаар эзэн сууж, тэндхийн газрын тосыг АНУ ба тэдний холбоотнуудын хамт олборлон борлуулж, бүх ашгийг нь өрсдөө хүртэж байхыг хүсэх гэсэн хоёр туулайн араас зэрэг хөөцөлдөөд байгааг шинжээчид анхааруулсан байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна