Туркийн Ерөнхийлөгч Эрдоганарваннэгдүгээр сарын 13-нд АНУ-д албан ёсны айлчлал хийж, Ерөнхийлөгч Трамптай уулзаж байгаа. Уулзалтын үеэр сүүлийн үед хоёр улсын харилцаанд үүсээд байгаа хурцадмал байдлыг намжаах талаар ярилцах аж. Ерөнхийлөгч Эрдоган энэ талаар "Бид хоёр талын харилцаа, бүс нутаг дахь нөхцөл байдлын талаар ярилцана. С-400, Patriot, F-35 –ын сэдвийг мэдээж хэрэг хөндөнө. Худалдааны эргэлтээ 100 тэрбум долларт хүргэх нь бидний зорилго... Түүнчлэн цэргийн аж үйлдвэрлэлийн салбарт хийх алхмуудын талаар ярилцана. Учир нь, бидэнд Patriot-ыг худалдаагүй тул оронд нь С-400-г худалдаж авсан болохоор энэ асуудал хаагдсан. Гэхдээ бид бас Patriot-ыг авахад бэлэн. Бидэнд санал тавиг, саналыг нь бид хэлэлцье" гэжээ.
Үүнээс гадна Эрдоганыг айлчлахын өмнөхөн Туркийн эсрэг, Катарын эсрэг үзэл баримтлалтайгаар алдартай "Investigative Journal" нэртэй байгууллага нь Туркт алан хядах байгууллага гэж зарлагдан хориглогдсон ФедхуллахГюлены байгууллагатай хамтран нээлттэй хуралдаан зохион байгуулсан байна. Их Британид төвтэй энэ байгууллагыг Арабын нэгдсэн Эмират улсаас санхүүжүүлдэг гэж үздэг. Туркийн "Anadolu Ajansı" агентлагийн мэдээлж байгаагаар тус нээлттэй хуралдааныг "Эрдоганы сүүлчийн тоглолт: АНУ ба Сири дэх Туркийн урт гар" гэсэн сэдвээр явуулж, хэвлэл мэдээллийн хэрэгслийн сэтгүүлчид, тоймчдыг өргөнөөр урьж оролцуулжээ. Тус хуралдаанд төрийн эргэлт хийх оролдлогын дараа Туркээс зугтсан Гюлены байгууллагын гишүүн АбдуллахБозкурт, мөн Гюлены байгууллагын гишүүн, төрийн эргэлт хийх оролдлогын үеэр Туркийн тусгай албанд ажиллаж байсан АхметШаитЙайла зэрэг Турктээ нэлээд нэртэй дүрвэгчид оролцон "Эрдоган алан хядлагыг дэмжиж байгаа тухай", "АНУ дахь Туркийн лоббийн эх сурвалж" зэрэг илтгэл тавьжээ.
2016 оны долоодугаар сард Туркт төрийн эргэлт хийх оролдлого гарахад 250 хүн амиа алдаж, 2000 гаруй хүн шархдаж байсан. Туркийн тусгай албад, Эрдоганд үнэнч армийнхан төрийн эргэлт хийх оролдлогыг амжилттай дарж чадсан бөгөөд хуйвалдаанд оролцсон хэргээр 50 мянга гаруй хүн баривчлагдаж янз бүрийн ял авсан байдаг. Эрдоган нь энэхүү төрийн эргэлт хийх оролдлогыг АНУ-д амьдардаг шашны номлогч ФедхуллахГюлен ба түүний байгууллага хийсэн гэж буруутгасан юм.
Сэтгэгдэл (0)
Сэтгэгдэл бичигдээгүй байна