Туркийн Ерөнхийлөгч Эрдоган ба АНУ-ын Ерөнхийлөгч Трамп нарын уулзалт 1 цаг 15 минут үргэлжилсэн тухай "Anadolu Ajansı" агентлаг мэдээлж байна. Энэ хоёр Цагаан ордонд халз уулзалт хийсний дараа л албаны бусад хүмүүсийн оролцуулсан өргөн хүрээтэй уулзалтыг зохион байгуулсан байна. Энэхүү уулзалт эхлэхээс өмнө Трамп нь Эрдоганд захидал бичиж Оросоос авсан С-400 ба АНУ-аас авах ёстой F-35 онгоцны асуудлыг шийдэх, хоёр улсын худалдааны эргэлтийг 100 тэрбум доллар болгон өсгөх санал тавиад байсан аж. Гэвч Америкийн Конгрессын доод танхим Трампын энэхүү санал болон Эрдогантай уулзаж байгааг маш ширүүн шүүмжилж байна. Тэд курд холбоотнуудын эсрэг байлдааны ажиллагаа явуулж, Америкийн армийн ангиудыг Сири улсаас шахан гаргаж, Путинд давуу эрх олгосон дарангуйлагчийг дээд хэмжээнд хүлээн авч уулзах нь байж боломгүй зүйл гэж уурлажээ.
Сэтгэгдэл (0)
Сэтгэгдэл бичигдээгүй байна