2020/07/09
USD 2,811

​Беларус нь Европын зөвлөлд элсэхийн тулд цаазаар авах ялаа халахаас татгалзав

О.Шүрэнцэцэг
2019/11/14

Беларусын Ерөнхийлөгч Александр Лукашенко нь улсаа Европын зөвлөлд оруулахын тулд эрүүгийн хуульдаа өөрчлөлт оруулж цаазаар авах ялаа халахад бэлэн биш байгаагаа мэдэгдсэн байна. Тэрээр Австрийн Ерөнхийлөгч Александер Ван дерБеллентэй уулзах үеэр энэ тухайгаа мэдэгдсэн байна. Уулзалтын үеэр дерБеллен нь Беларуст мөрдөгдөж байгаа цаазаар авах тухай заалт нь Европын зөвлөлийн бүрэн эрхт гишүүн болоход нь саад болж байгаа тухай сануулсан аж. Үүний хариуд Лукашенко "Европын зөвлөл ба манай гишүүнчлэлийн хувьд гэвэл элсүүлж авбал "баярлалаа" гэнэ, "үгүй" гэвэл яая гэх вэ дээ" гэж хариулсан байна. Үүний өмнөхөн Лукашенко нь зөвхөн бүх ард түмний санал асуулгын дүнгээр л цаазаар авах ялыг халах боломжтой гэж мэдэгдэж байсан юм. Гэхдээ Беларусын нийгэмд энэ асуудлыг бүх нийтийн санал асуулгаар шийдэхэд хараахан бэлэн болоогүй байна гэсэн.

Беларус нь Европ болон Тусгаар улсуудын хамтын нөхөрлөлийн орнууд дотор цаазаар авах ялыг халаагүй үлдсэн цор ганц улс болоод байгаа. Энэ улсын эрүүгийн хуулийн дагуу үйл олноор хөнөөх зэвсэг хэрэглэсэн, дай өдөөсөн, яс үндсээр ялган хоморголон устгах ажиллагаа явуулсан, олон улсын алан хядах ажиллагаа явуулсан, хүн амины хэрэг үйлдсэн, төрийн эрхийг булаахыг оролдсон, алан хядах ажиллагаа явуулсан, хууль сахиулах байгууллагын ажилтны аминд хүрсэн, төрөөс урвасан зэрэг хэрэгт цаазаар авах ял оноодог байгаа. Ялыг 18-65 насны зөвхөн эрэгтэй хүнд ногдуулж болох бөгөөд гүйцэтгэлийг буудах замаар гүйцэтгэдэг юм байна.

Европын зөвлөл нь гишүүн орнууд ба Европын орнуудын хооронд хүний эрх, эрх зүйн стандарт, ардчилсан хөгжил, хуульт ёс ба соёлын хамтын ажиллагааг хөгжүүлэхэд дэмжлэг үзүүлдэг олон улсын байгууллага. Европын зөвлөл нь 1947 онд байгуулагдсан бөгөөд Европ тив эх хамгийн эртний олон улсын байгууллага юм. Тус байгууллагад нийт 800 сая хүн аж төрдөг 47 орон гишүүнээр элссэн байдаг. Европын холбоо нь бүрэн бие даасан байгууллага бөгөөд Европын холбооны тогтолцоонд хамаардаггүй. Мөн заавал дагаж мөрдөх ёстой хууль журам баталдаггүй гэдгээрээ Европын холбооноос ялгаатай.

Европын зөвлөлийн бүтцэд Европын зөвлөлийн парламентын ассамблей, Европын хүний эрхийн шүүх, Эрх зүйгээр дамжуулан ардчиллыг дэмжих Европын комисс гэсэн хүний эрхийг хамгаалах үйл ажиллагаа явуулдаг байгууллагууд багтан үйл ажиллагаагаа явуулж байдаг.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.108.231 |   2019/11/14
Европын зөвлөл шдээ. Холбооноос тусдаа. ОХУ бараг өөрийн саналаараа гарсан бх. Европчууд дахин элсүүлэе гэсэн бх шүү.
Хариулах
202.179.31.81 |   2019/11/14
Тэнэг ерөнхийлөгч байна. Ганцхан цаазаар авах ялаа устгавал оруулна гэсэн бол устгах хэрэгтэй. ЕХ-нд орсноор иргэдэд нь маш их хэрэгтэй. Тэд европын холбооны улсууд руу машинаа унаад л гараад очоод ажилд орчихдог. Залуус нь сургууль соёлд сурна. Ямар ч виз санхүүгийн баталгаа шаардахгүй хүмүүст нь их хэрэгтэй.Иргэншлээсээ татгалзах албагүй ажиллаж сурч байгаад буцаж болно бусад орон руу чөлөөтэй явна.
Хариулах
202.179.31.81 |   2019/11/14
Европын холбоо нь бүрэн бие даасан байгууллага бөгөөд Европын холбооны тогтолцоонд хамаардаггүй. Мөн заавал дагаж мөрдөх ёстой хууль журам баталдаггүй гэдгээрээ Европын холбооноос ялгаатай. --- Ойлгосонгүй?
Хариулах
202.179.31.81 |   2019/11/14
Европын зөвлөл биш Еропын Холбоо. EU-г хэлээд байгаа биз дээ.
Хариулах